ఒక్కసారి సెలబ్రిటీ అయ్యావంటే ఎన్ని లాభాలు ఉన్నాయో.. అంతకు మించిన నష్టాలు ఉన్నాయి. ఎవరికీ అందనంత ఎత్తుకు ఎదుగాదని అనుకొనే.. ప్రయత్నంలో తమ జుట్టును తమకు తెలియకుండానే మీడియా & సోషల్ మీడియా చేతిలో పెట్టేస్తుంటారు మన సెలబ్రిటీలు. ముఖ్యంగా సోషల్ మీడియా ట్రోలింగ్ కి ప్రతి ఒక్క హీరో, హీరోయిన్, ప్రొడ్యూసర్, డైరెక్టర్, క్యారెక్టర్ ఆర్టిస్ట్ ఏదో ఒక సందర్భంలో బాధపడినవారే. తాజాగా ఈ ట్రోలింగ్ కారణంగా కన్నీరు పెట్టుకొన్న కథానాయిక రష్మిక మండన్న. ప్రస్తుతం తెలుగులో మహేష్ బాబు, అల్లు అర్జున్, నితిన్ వంటి స్టార్ హీరోలతో వరుస సినిమాలు చేస్తూ యమ బిజీగా ఉన్న రష్మిక త్వరలోనే తమిళంలోనూ బిజీ అయ్యేందుకు సన్నద్ధమవుతోంది. అయితే.. అమ్మడు తెలిసో తెలియాకో చేసిన తప్పు తన పరిచయ చిత్రం దర్శకుడు రక్షిత్ శెట్టితో ఆమెకు జరిగిన ఎంగేజ్ మెంట్ బ్రేక్ అవ్వడాన్ని రక్షిత్ శెట్టి మర్చిపోయినా.. అతడి అభిమానులు మాత్రం మర్చిపోవడం లేదు. ఆమెను ఎప్పటికప్పుడు ట్రోల్ చేస్తూనే ఉన్నారు.
అయితే.. నిన్న ఆమె చిన్నప్పటి ఫోటోలతో ఒక మీమ్ పేజ్ “ఎవరికి తెలుసు ఈ చిన్నారి భవిష్యత్ లో పెద్ద దొంగ అవుతుందని” అని ఒక మీమ్ పోస్ట్ చేశారు. ఆ పోస్ట్ ని రష్మిక పర్సనల్ గా తీసుకొంది. సాధారణంగా సోషల్ మీడియాలో చాలా యాక్టివ్ గా ఉండే రష్మిక సదరు మీమ్ ను తన ఇన్స్టాగ్రామ్ స్టోరీలో పోస్ట్ చేస్తూ.. “నేను ఇలాంటివి పట్టించుకోను.. కానీ ఈ పోస్ట్ నన్ను చాలా బాధపెట్టింది. మా మీద ట్రోల్స్ వేయండి తప్పులేదు కానీ ఇలా మా పర్సనల్ లైఫ్స్ ను టార్గెట్ చేసే హక్కు ఎవరికీ లేదు. కాంగ్రాచ్యూలేషన్స్ నన్ను మీదు చాలా బాధపెట్టారు” అని స్టోరీ పెట్టింది. రష్మిక పోస్ట్ కి భారీస్థాయిలో మద్ధతు లభిస్తోంది. మరి రష్మిక కూడా చిన్మయి తరహాలో సోషల్ మీడియా హెరాస్ మెంట్ మీద ఏదైనా స్టాండ్ తీసుకొంటుందేమో చూడాలి.
మీకు మాత్రమే చెప్తా సినిమా రివ్యూ & రేటింగ్!
విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!
