తన లైఫ్ లో మోస్ట్ హార్ట్ బ్రేకింగ్ ఇన్సిడెంట్ షేర్ చేసుకున్న రష్మిక

తన అల్లరి కళ్ళతో, చిలిపి చేష్టలతో కుర్రాళ్ళ గుండెల్ని ఎప్పటికప్పుడు బ్రేక్ చేసే రష్మిక మండన్న లైఫ్ లో కూడా ఒక హార్ట్ బ్రేకింగ్ ఇన్సిడెంట్ ఉందట. ఆమె గుండెను బ్రేక్ చేసిందేవరబ్బా అనుకొంటున్నారా?. ఆమె హార్ట్ ను బ్రేక్ చేసింది ఎవరో కుర్రాడు కాదండీ బాబు.. మన క్రికెటర్ ధోనీ. “డియర్ కామ్రేడ్”లో క్రికెటర్ గా నటించినప్పట్నుంచి క్రికెట్ మీద ఆసక్తి పెరిగిన రష్మిక వరల్డ్ కప్ మ్యాచులు చూడడం మొదలెట్టిందట. సెమీ ఫైనల్స్ లో ధోనీ రన్ అవుట్ అయిన సందర్భంలో ఆమె గుండే ఒక సెకను ఆగిపోయినంత పనైందట. చూస్తున్న నాకే అలా ఉంటే.. గ్రౌండ్ లో ఉన్నవాళ్ళు మరియు ఆడుతున్న వాళ్ళ పరిస్థితి ఎలా ఉండిందో అని ఊహించుకొంటేనే చాలా బాధగా అనిపించింది అని చెప్పుకొచ్చింది రష్మిక.

ఇక నిన్న వైజాగ్ ఈవెంట్ లో రష్మిక ఎమోషనల్ గా మాట్లాడినా స్పీచ్ ప్రస్తుతం సోషల్ మీడియాలో వైరల్ అయ్యింది. రేపు “డియర్ కామ్రేడ్” విడుదల కానుండగా.. వచ్చే నెల నుంచి మహేష్ బాబు “సరిలేరు నీకేవ్వరు” షూటింగ్ లో పాల్గొననుంది రష్మిక. అనంతరం అల్లు అర్జున్ సినిమా కూడా లైన్ లో ఉంది. “డియర్ కామ్రేడ్” మీద మాత్రం రష్మిక చాలా నమ్మకం పెట్టుకొంది.