కన్నడ ఇండస్ట్రీకి చెందిన రష్మిక టాలీవుడ్ లో హీరోయిన్ గా ఎంట్రీ ఇచ్చింది. తెలుగులో హిట్టు మీద హిట్టు కొడుతూ స్టార్ హీరోయిన్ గా మారింది. చాలా తక్కువ సమయంలో స్టార్ స్టేటస్ అందుకుంది ఈ బ్యూటీ. ఇప్పుడు బాలీవుడ్ లో కూడా అవకాశాలు దక్కించుకుంటుంది. ఇప్పటికే ఆమె హిందీలో ‘గుడ్ బై’ అనే సినిమాను పూర్తి చేసింది. ప్రస్తుతం స్పై థ్రిల్లర్ ‘మిషన్ మజ్ను’ సినిమాలో నటిస్తోంది. ఇందులో సిద్ధార్థ్ మల్హోత్రా హీరోగా కనిపించనున్నారు.
ఈ రెండు సినిమాలు ఇంకా రిలీజ్ కాకుండానే రష్మికకి బాలీవుడ్ లో ఆఫర్లు వస్తున్నాయి. తాజాగా మరో సినిమా సైన్ చేసింది ఈ బ్యూటీ. యాక్షన్ హీరో టైగర్ ష్రాఫ్ లీడ్ రోల్ లో దర్శకుడు శశాంక్ ఓ సినిమాను తెరకెక్కించనున్నారు. ఇందులో హీరోయిన్ గా రష్మిక మందనాను తీసుకోవాలనుకుంటున్నారు. రష్మికని తీసుకోవడం వలన కథను ఫ్రెష్ నెస్ వస్తుందని భావిస్తున్నారు. ఈ సినిమాలో టైగర్ ష్రాఫ్ స్పోర్టీ లుక్ లో కనిపించనున్నారు.
టైగర్ ష్రాఫ్ తోనే కాకుండా రణబీర్ కపూర్ తో ‘యానిమల్’ అనే సినిమా చేస్తోంది రష్మిక. దీన్ని సందీప్ రెడ్డి వంగ డైరెక్ట్ చేస్తున్నారు. బాలీవుడ్ లోనే కాకుండా సౌత్ లో కూడా వరుస సినిమాలు ఒప్పుకుంటుంది రష్మిక. త్వరలోనే అల్లు అర్జున్ తో కలిసి ‘పుష్ప2’ సినిమా షూటింగ్ లో పాల్గోనుంది. ఇందులో ఆమె పాత్ర పెద్దగా ఉండదని అంటున్నారు.
కథ ప్రకారం ఆమె పాత్ర చనిపోతుంది అంటున్నారు. ఈ సినిమాతో పాటు విజయ్ నటిస్తోన్న ‘వారసుడు’లో రష్మిక హీరోయిన్ గా కనిపించనుంది. వంశీ పైడిపల్లి డైరెక్ట్ చేస్తోన్న ఈ సినిమాను దిల్ రాజు నిర్మిస్తున్నారు.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
