టాలీవుడ్ లో ‘ఛలో’ సినిమాతో ఎంట్రీ ఇచ్చిన రష్మిక మొదటిసినిమాతోనే సక్సెస్ అందుకుంది. ఈ సినిమా తరువాత ఈమెకి తెలుగులో వరుస అవకాశాలు రావడంతో శాండల్ వుడ్ నుండి టాలీవుడ్ కి షిఫ్ట్ అయింది. స్టార్ హీరోలు మహేష్ బాబు, అల్లు అర్జున్ సినిమాలలో అవకాశాలు అందుకుంటూ స్టార్ హీరోయిన్ స్టేటస్ అందుకుంది. ప్రస్తుతం ఈ బ్యూటీ ‘పుష్ప’ సినిమాతో పాటు తమిళంలో ‘సుల్తాన్’ సినిమాలో నటిస్తోంది. అలానే శర్వానంద్ తో ఓ సినిమాలో నటించడానికి గ్రీన్ సిగ్నల్ ఇచ్చింది.
ఇప్పుడు మరో క్రేజ్ ఆఫర్ అందుకున్నట్లు సమాచారం. చిరంజీవి-కొరటాల శివ కాంబినేషన్ లో రూపొందుతోన్న ‘ఆచార్య’ సినిమాలో రష్మికకి ఛాన్స్ వచ్చినట్లు తెలుస్తోంది. ఇందులో రామ్ చరణ్ కీలక పాత్రలో కనిపించనున్నారు. దాదాపు అరగంట సేపు తెరపై కనిపించే పాత్ర సినిమాకి హైలైట్ గా నిలుస్తుందని చెబుతున్నారు. ఇందులో చిరు సరసన కాజల్ నటిస్తుండగా.. చరణ్ పక్కన ఇంకా హీరోయిన్ ఫైనల్ కాలేదు. ముందుగా కియారా అద్వానీని హీరోయిన్ గా నటించమని సంప్రదించగా.. ఆమె డేట్స్ అడ్జస్ట్ కాలేదట.
దీంతో చాలా మందిని పరిశీలించిన అనంతరం ఫైనల్ గా కన్నడ భామ రష్మికను ఫిక్స్ చేసినట్లు తెలుస్తోంది. చరణ్ సరసన ఛాన్స్ అనగానే రష్మిక అంగీకరించినట్లు తెలుస్తోంది. వచ్చే ఏడాది మార్చి నెలలో రష్మిక షూటింగ్ లో పాల్గొంటుందట. ఇప్పటికే అల్లు అర్జున్ సరసన నటిస్తోన్న ఈమెకి ఇప్పడు మరో మెగాహీరో సరసన నటించే ఛాన్స్ రావడం అదృష్టమనే చెప్పాలి.
Most Recommended Video
బిగ్గెస్ట్ బ్లాక్ బస్టర్ మూవీస్ ను రిజెక్ట్ చేసిన రాజశేఖర్..!
టాలీవుడ్లో సొంత జెట్ విమానాలు కలిగిన హీరోలు వీళ్ళే..!
ఈ 25 మంది హీరోయిన్లు తెలుగు వాళ్ళే .. వీరి సొంత ఊర్లేంటో తెలుసా?
Home