Rathnam Trailer Review: విశాల్ నుండి మరో హై- వోల్టేజ్ యాక్షన్ డ్రామా

కోలీవుడ్ స్టార్ హీరో విశాల్ (Vishal) సినిమాలకి తెలుగులో కూడా మంచి క్రేజ్ ఉంటుంది. అయితే ‘అభిమన్యుడు’ ( Irumbu Thirai) ‘పందెం కోడి 2 ‘ తర్వాత అతను చేసిన సినిమాలు అన్నీ నిరాశపరిచాయి. ‘మార్క్ ఆంటోనీ’ (Mark Antony) పర్వాలేదు అనిపించినా… దాని క్రెడిట్ అంతా ఎస్.జె.సూర్య (SJ Surya) ఖాతాలో పడిపోయింది. సో విశాల్ కి ఇప్పుడు ఓ హిట్టు కావాలి. విశాల్ – హరి (Hari) …లది హిట్టు కాంబినేషన్. ‘భరణి’ ‘పూజా’ వంటి హిట్టు సినిమాలు ఈ కాంబినేషన్ నుండి వచ్చాయి. ఈ కాంబినేషన్లో రూపొందిన మూడో సినిమా ‘రత్నం’ (Rathnam) .

జీ స్టూడియోస్‌తో పాటు ‘స్టోన్ బెంచ్ ఫిల్మ్స్’ బ్యానర్ల పై కార్తికేయన్ సంతానం ఈ చిత్రాన్ని నిర్మిస్తున్నారు. తాజాగా ఈ చిత్రం నుండి ట్రైలర్ ను విడుదల చేశారు. 1 : 38 నిమిషాల నిడివి కలిగిన ‘రత్నం’ ట్రైలర్ … మొత్తం యాక్షన్ ఎలిమెంట్స్ తో నిండి ఉంది. ‘ఆ అమ్మాయి నా ప్రాణం నా ప్రాణం ఊపిరి.. త‌న జోలికొస్తే వెదుక్కొంటూ వ‌చ్చి న‌రికేస్తా’ వంటి లౌడ్ డైలాగ్స్ విశాల్ పలికాడు.

యాక్షన్ ఎలిమెంట్స్, ఛేజింగ్ ఎపిసోడ్స్.. ను ఈ ట్రైలర్లో ఎక్కువగా చూడవచ్చు. విశాల్ అందంగా కనిపించాడు. కానీ గతంలో వచ్చిన అతని ప్లాప్ సినిమా ‘భయ్యా’ షేడ్స్ ఈ ట్రైలర్లో ఎక్కువ కనిపించాయి. విశాల్ – హరి…ల సినిమా అనగానే మాస్ ఆడియన్స్ ఫోకస్ ఎక్కువ ఉంటుంది. వాళ్ళు యాక్సెప్ట్ చేస్తే ఈ సినిమా తెలుగులో కమర్షియల్ గా సేఫ్ అవ్వొచ్చు. సరే.. ట్రైలర్ ను మీరు కూడా ఓ లుక్కేయండి :