Ravi Teja, Vishnu Vishal: ఆ హీరోతో రవితేజ మల్టీస్టారర్!

టాలీవుడ్ మాస్ హీరో రవితేజ వరుస సినిమాలను లైన్ లో పెడుతున్నారు. ఓ పక్క సినిమాలను పూర్తి చేస్తూనే.. మరోపక్క కొత్త ప్రాజెక్ట్స్ ను ఓకే చేస్తూ వాటిని సెట్స్ పైకి తీసుకెళ్తున్నారు. గతేడాది ‘క్రాక్’ సినిమాతో బ్లాక్ బస్టర్ హిట్ కొట్టిన రవితేజ.. రమేష్ వర్మ దర్శకత్వంలో ‘ఖిలాడి’ సినిమాను పూర్తి చేశారు. ప్రస్తుతం ఆయన హీరోగా ‘రామారావు ఆన్ డ్యూటీ’ సినిమా సెట్స్ పైకి ఉంది. ఆ సినిమాను పూర్తి చేయకముందే త్రినాధరావు నక్కిన దర్శకత్వంలో ‘ధమాకా’ అనే సినిమా చేస్తున్నట్లు ప్రకటించారు.

‘స్వామిరారా’ దర్శకుడు సుధీర్ వర్మతో కలిసి ‘రావణాసుర’ అనే మరో సినిమాను మొదలుపెడుతున్నారు రవితేజ. ఈ సంక్రాంతికి సినిమా పూజాకార్యక్రమాలను నిర్వహించనున్నారు. ఈ సినిమాని అభిషేక్ అగ‌ర్వాల్ ఆర్ట్స్ బ్యాన‌ర్‌పై అభిషేక్ నామా ఈ చిత్రాన్ని నిర్మిస్తున్నారు. రవితేజ కూడా ఈ సినిమాపై నిర్మాతగా పెట్టుబడులు పెడుతున్నారు. ఇప్పటికే ఈ సినిమాలో దక్ష నగార్కర్ ను నెగెటివ్ షేడ్స్ ఉన్న పాత్రలో చూపించబోతున్నరై సమాచారం. ఇదిలా ఉండగా.. ఇప్పుడు రవితేజకి సంబంధించిన మరో విషయం సోషల్ మీడియాలో చక్కర్లు కొడుతోంది.

రవితేజ, తమిళ హీరో విష్ణు విశాల్ తో కలిసి తీసుకున్న ఫొటో నెట్టింట్లో వైరల్ అవుతోంది. వీరిద్దరూ కలిసి ఓ సినిమా చేయబోతున్నారు. ఈ విషయాన్ని విష్ణు విశాల్ స్వయంగా చెప్పారు. అయితే ‘రావణాసుర’ సినిమాలో విష్ణు విశాల్ నటించబోతున్నారా..? లేక కొత్త సినిమా ఏదైనా చేస్తున్నారా..? అనే విషయంలో క్లారిటీ లేదు. గతంలో విష్ణు విశాల్.. రానాతో కలిసి ‘అరణ్య’ అనే సినిమాలో నటించారు. ఇప్పుడు రవితేజ సినిమాలో ఛాన్స్ కొట్టేశారు.

2021.. ఇండస్ట్రీని వివాదాలతో ముంచేసింది!

Most Recommended Video

ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!