‘ఖిలాడి’లో లిప్ లాక్ సీన్స్!

January 20, 2021 / 02:35 PM IST

Join Us

ఈ మధ్యకాలంలో సినిమాల్లో లిప్ లాక్ సీన్స్ కామన్ అయిపోయాయి. దాదాపు అన్ని సినిమాల్లో ఈ తరహా సన్నివేశాలు కనిపిస్తూనే ఉన్నాయి. ‘అర్జున్ రెడ్డి’ సినిమా తరువాత నుండి తెలుగు సినిమాల్లో ముద్దు సీన్లు ఎక్కువైపోయాయి. స్టార్ హీరోలు సైతం లిప్ లాక్ సన్నివేశాలకు గ్రీన్ సిగ్నల్ ఇచ్చేస్తున్నారు. ఇటీవల విడుదలైన ‘రెడ్’ సినిమాలో కూడా రామ్ ముద్దు సన్నివేశాల్లో నటించాడు. ఇప్పుడు మాస్ మహారాజా రవితేజ కూడా ఈ లిస్ట్ లో చేరబోతున్నాడని సమాచారం.

‘క్రాక్’ సినిమాతో సక్సెస్ అందుకున్న రవితేజ ప్రస్తుతం ‘ఖిలాడి’ సినిమాలో నటిస్తున్నాడు. రమేష్ వర్మ డైరెక్ట్ చేస్తోన్న ఈ సినిమాలో యంగ్ బ్యూటీ మీనాక్షి చౌదరి, డింపుల్ హయాతి హీరోయిన్లుగా నటిస్తున్నారు. ఈ సినిమా షూటింగ్ విశాఖపట్టణంలో జరుగుతోంది. తాజా సమాచారం ప్రకారం.. ‘ఖిలాడి’లో రవితేజ ఒక లిప్ లాక్ సీన్ లో నటించారట. కుర్ర హీరోయిన్ మీనాక్షి చౌదరితో కలిసి ముద్దు సన్నివేశాల్లో నటించారట రవితేజ. ఇప్పటికే ఈ సన్నివేశాల షూటింగ్ పూర్తయినట్లు తెలుస్తోంది.

నిజానికి లిప్ లాక్ సీన్ లో నటించడానికి రవితేజ మొదట ఒప్పుకోలేదట. కానీ దర్శకుడు రమేష్ వర్మ.. రవితేజని ఒప్పించారట. ఇష్టం లేనప్పటికీ దర్శకుడు బలవంతం చేయడంతో రవితేజ అంగీకరించక తప్పలేదట. నిజానికి మీనాక్షి చౌదరి.. రవితేజ కంటే వయసులో చాలా చిన్నది. మరి ఈ జంటని వెండితెరపై దర్శకుడు ఎలా చూపించబోతున్నాడో!