Ravi Teja: రవితేజ వద్దనుకున్న సినిమా ఆ హీరోకి వెళ్ళింది..!

మాస్ మహారాజ్ ర‌వితేజ హిట్టు, ప్లాప్ అనే తేడా లేకుండా వరుస పెట్టి సినిమాలు చేస్తుంటాడు. ఎప్పుడూ నాలుగైదు సినిమాలతో బిజీగా ఉంటాడు. ‘క్రాక్’ వంటి హిట్ తర్వాత రవితేజ 4 సినిమాలను లైన్లో పెట్టిన సంగతి తెలిసిందే. ‘ఖిలాడి’ తో పాటు శరత్ మండవ డైరెక్షన్లో ఓ సినిమా,త్రినాథ్ రావ్ నక్కిన డైరెక్షన్లో ఓ సినిమా, వక్కంతం వంశీ డైరెక్షన్లో ఓ సినిమా రవితేజ చేయాల్సినవి. కానీ ఇప్పుడు ఒక్కో సినిమా అతను చేజార్చుకుంటున్నట్టు వినికిడి.

త్రినాథ‌రావు నక్కిన డైరెక్షన్లో రవితేజ చేయాల్సిన సినిమా ఆగిపోయింద‌ని కొద్దిరోజుల నుండీ ప్రచారం జరిగింది. అలాగే వక్కంతం వంశీ సినిమా కూడా ఆగిపోయినట్టు స్పష్టమవుతుంది. మొన్నామధ్య ర‌వితేజ‌కు కథ చెప్పి సినిమాని ఓకే చేయించుకున్నాడు వంశీ. కానీ రవితేజ ఇప్పుడు వరుస సినిమాలతో బిజీగా ఉండడంతో అదే కథని ఇప్పుడు నితిన్‌ తో చేయబోతున్నాడట. వ‌క్కంతం వంశీ చెప్పిన క‌థ‌ నితిన్ కు నచ్చడంతో వెంటనే ఓకే చెప్పేసాడు. నితిన్ చేయాల్సిన ‘ప‌వ‌ర్ పేట‌’ సినిమా ఆగిపోవడంతో..

ఆ చిత్రం కోసం కేటాయించిన కాల్ షీట్లను ఇప్పుడు వ‌క్కంతం వంశీ సినిమాకి ఇస్తున్నాడ‌ట‌.అన్నీ అనుకున్నట్టు జరిగితే ఆగష్ట్ నుండీ ఈ చిత్రం సెట్స్ పైకి వెళ్తుంది. మరి రవితేజతో తర్వాత అయినా వంశీ సినిమా ఉంటుందా? లేదా అనేది ప్రస్తుతానికైతే సస్పెన్స్. మొన్నామధ్య ‘వడా చెన్నై’ అనే మంచి సినిమాని కూడా రవితేజ వదులుకున్నట్టు స్వయంగా ఆ చిత్రం డైరెక్టర్ చెప్పుకొచ్చిన సంగతి తెలిసిందే.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!