రవితేజ,రానా లలో.. ఆ సూపర్ హిట్ రీమేక్ నుండీ తప్పుకునేదెవరు?

మలయాళంలో సూపర్ హిట్ అయిన ‘అయ్యప్పనుమ్ కోశియుమ్’ చిత్రాన్ని తెలుగులో రీమేక్ చెయ్యడానికి సన్నాహాలు చేస్తున్న సంగతి తెలిసిందే. ‘సితారా ఎంటర్టైన్మెంట్స్’ బ్యానర్ పై సూర్య దేవర నాగ వంశీ ఈ రీమేక్ ను నిర్మించనున్నాడు. దర్శకుడు ఎవరు అనే విషయం పై ఇంకా క్లారిటీ రాలేదు కానీ.. నారా రోహిత్, శ్రీవిష్ణు హీరోలుగా నటించిన ‘అప్పట్లో ఒకడుండేవాడు’ చిత్రం దర్శకుడు సాగర్ చంద్ర పేరు మాత్రం ప్రచారంలో ఉంది. ఇదిలా ఉండగా.. ఈ చిత్రం కాన్సెప్ట్ పరంగా నెక్స్ట్ లెవెల్లో ఉంటుంది.

అందుకే రానా ఈ చిత్రంలో నటిస్తాను అని ముందుగా కర్చీఫ్ వేసుకుని కూర్చున్నాడు. రవితేజ కు కూడా ఈ సబ్జెక్ట్ బాగా నచ్చింది. దాంతో అతను కూడా ఈ ప్రాజెక్ట్ లో నటించడానికి ముందుకు వచ్చాడు.అయితే ఇప్పుడు వీరిద్దరిలో ఒకరు ఈ ప్రాజెక్టు నుండీ తప్పుకోవాల్సి పరిస్థితి ఏర్పడిందట. దానికి ప్రధాన కారణం ఈ చిత్రంలో నటిస్తాను అని ఓ స్టార్ హీరో ముందుకు రావడమేనని తెలుస్తుంది. ఈ రీమేక్ లో ఓ స్టార్ హీరో నటిస్తే మాత్రం చాలా మార్పులు చెయ్యాల్సి వస్తుంది.

మరి ఆ స్టార్ హీరో.. ఈ చిత్రంలో ఏ పాత్ర చెయ్యాలనుకుంటున్నాడో.. రానా, రవితేజ లలో తప్పుకునేది ఎవరో? అనే డిస్కషన్ ఓ పక్క నడుస్తుంటే.. మరో పక్క.. స్టార్ హీరో కోసం స్క్రిప్ట్ లో మార్పులు కూడా చెయ్యాల్సి వస్తుందట. కాబట్టి కాస్త పేరున్న డైరెక్టర్ ను తీసుకోవాలి అనే నిర్ణయానికి నిర్మాత వచ్చినట్టు తెలుస్తుంది. అందుకే ఇప్పుడు ఈ రీమేక్ కు పెద్ద కష్టం వచ్చి పడిందనే చెప్పాలి.

Most Recommended Video

40 ఏళ్ళ వయసొచ్చినా.. పెళ్లి గురించి పట్టించుకోని హీరొయిన్స్..!
విడాకులతో కోట్లకు పడగెత్తిన సెలెబ్రిటీలు!
ఈ సూపర్ హిట్లను మిస్ చేసుకున్న టాలీవుడ్ హీరోలు..?