Ravi Teja: రవితేజ కార్తీక్ మూవీ అలా ఉండబోతుందా?

August 27, 2022 / 06:56 PM ISTByFilmy Focus

Join Us

Ravi Teja: రవితేజ కార్తీక్ మూవీ అలా ఉండబోతుందా?

మాస్ మహారాజ్ రవితేజ ప్రస్తుతం వరుస సినిమాలతో బిజీగా ఉన్నారనే సంగతి తెలిసిందే. ఖిలాడీ, రామారావ్ ఆన్ డ్యూటీ సినిమాల ఫలితాలు రవితేజకు భారీ షాకివ్వడంతో భవిష్యత్తు ప్రాజెక్ట్ లతో విజయాలను అందుకుంటానని రవితేజ భావిస్తున్నారు. రవితేజ ప్రస్తుతం రావణాసుర, టైగర్ నాగేశ్వరరావు సినిమాలలో నటిస్తున్నారు. రవితేజ నటించిన ధమాకా సినిమా త్వరలో థియేటర్లలో విడుదల కానుంది. అయితే రవితేజ కార్తీక్ ఘట్టమనేని కాంబినేషన్ లో ఒక సినిమా తెరకెక్కనున్న సంగతి తెలిసిందే.

ఈ సినిమాకు ఈగిల్ అనే టైటిల్ ఫిక్స్ అయినట్టు తెలుస్తోంది. ఈ టైటిల్ పై రవితేజ ఫ్యాన్స్ నుంచి భిన్నాభిప్రాయాలు వ్యక్తమవుతున్నాయి. కొంతమంది ఈ టైటిల్ బాగుందని చెబుతుంటే మరి కొందరు ఈ టైటిల్ ఆకట్టుకునేలా లేదని అభిప్రాయాలను వెల్లడిస్తున్నారు. సినిమాల ఫలితాలతో సంబంధం లేకుండా రవితేజ వరుస సినిమాలతో బిజీగా ఉంటున్నారు. ఈ మధ్య కాలంలో రవితేజ కొత్త దర్శకులకు ఎక్కువగా అవకాశాలను ఇస్తుండటం గమనార్హం. ఈ దర్శకులలో కొంతమంది రవితేజ నమ్మకాన్ని నిలబెట్టుకుంటుంటే మరి కొందరు మాత్రం రవితేజను, రవితేజ అభిమానులను తీవ్రస్థాయిలో నిరాశపరుస్తున్నారు.

ఒక్కో సినిమాకు రవితేజ 15 నుంచి 18 కోట్ల రూపాయల రేంజ్ లో రెమ్యునరేషన్ ను అందుకుంటున్నారు. తర్వాత ప్రాజెక్ట్ లతో రవితేజ పారితోషికం పెరిగే అవకాశం ఉందని కామెంట్లు వ్యక్తమవుతున్నాయి. రవితేజ మాస్ సినిమాలపై ప్రధానంగా దృష్టి పెడుతున్నారు.

రవితేజ సినిమాల హిందీ హక్కులు కూడా భారీ మొత్తానికి అమ్ముడవుతూ ఉండటంతో ఆయనతో సినిమాలను నిర్మించడానికి నిర్మాతలు ఆసక్తి చూపుతున్నారు. రవితేజ ప్రస్తుతం కెరీర్ విషయంలో ఆచితూచి అడుగులు వేస్తున్నారు. గత సినిమాల ఫలితాలతో సంబంధం లేకుండా రవితేజ సినిమాలకు రికార్డ్ స్థాయిలో బిజినెస్ జరుగుతోంది.