స్టైలిష్ స్టార్ అల్లు అర్జున్.. నీహారిక పెళ్లి తరువాత ఉదయ్ పూర్ నుండి తిరిగి హైదరాబాద్ కి వచ్చారు. ఇప్పుడు ఆయన పాలకొల్లుకి పయనమై వెళ్లారు. విమానంలో రాజమండ్రి వెళ్లి అక్కడ నుండి రోడ్డు మార్గాన పాలకొల్లుకు వెళ్లినట్లు తెలుస్తోంది. బన్నీ ఉన్నట్టుండి పాలకొల్లు వెళ్లడానికి కారణముంది. ప్రముఖ నిర్మాత బన్నీ వాసు, అల్లు అర్జున్ ఎంత మంచి స్నేహితులో తెలిసిందే. ఇటీవల బన్నీ వాసు సోదరుడు గవర సురేష్ అకాల మరణం చెందారు.
కిడ్నీలు ఫెయిలవ్వడంతో బెంగుళూరులోని ప్రైవేటు ఆసుప్రతిలో చికిత్స పొందుతూ ఆయన మరణించారు. సురేష్ ఇంజనీరింగ్ చదివి ఆటోమొబైల్ ఇండస్ట్రీకి సంబందించిన ఇంజనీర్లలో టాప్ 4లో ఒకరిగా ఉన్నారు. సొంత అన్నయ్య మరణించడం తట్టుకోలేకపోతున్న బన్నీ వాసుని పరామర్శించడానికి బన్నీ స్వయంగా పాలకొల్లుకు వెళ్లారు. బన్నీ వాసు గీతాఆర్ట్స్ కి సంబంధించిన బాధ్యతలు చూసుకోవడంతో పాటు గీతా2 నిర్వహణ బాధ్యతలు కూడా చూసుకుంటున్నారు. అల్లు అర్జున్ కి సంబంధించిన వ్యవహారాలు కూడా ఆయనే చూస్తుంటారు.
అందుకే బన్నీకి, బన్నీ వాసుకి మంచి బంధం ఏర్పడింది. ఆ కారణంగానే ఇప్పుడు బన్నీ పాలకొల్లుకు వెళ్లారు. తిరిగి సాయంత్రానికి హైదరాబాద్ చేరుకుంటారు. ఇక సినిమాల విషయానికొస్తే.. ప్రస్తుతం బన్నీ ‘పుష్ప’ సినిమాలో నటిస్తున్నారు. కరోనా కారణంగా వాయిదా పడిన ఈ సినిమా షూటింగ్ మళ్లీ మొదలుకానుంది.
Most Recommended Video
2020 Rewind: ఈ ఏడాది డిజాస్టర్ సినిమాలు ఇవే..!
ఈ 10 మంది సినీ సెలబ్రిటీలు పెళ్లి కాకుండానే పేరెంట్స్ అయ్యారు..!
లాక్ డౌన్ టైములో పెళ్లిళ్లు చేసుకున్న టాలీవుడ్ సెలబ్రిటీస్..!
Home