అనుష్క టైటిల్ పాత్ర పోషిస్తున్న “భాగమతి” గత కొన్ని రోజులుగా షూటింగ్ జరుపుకుంటూనే ఉంది. ఇప్పటివరకూ రిలీజ్ ఎప్పుడు అనే విషయంలో క్లారిటీ దర్శకనిర్మాతలు కూడా ఇవ్వలేకపోయారు. అయితే.. ఇలా లేట్ అవ్వడానికి కారణం షూట్ లేట్ అవ్వడం కాదట. “బాహుబలి 2” కంటే ముందు అనుష్క నటించిన “సైజ్ జీరో” వల్లే “భాగమతి” లేట్ అవుతుందట. ఆ సినిమాకి ఈ సినిమాకి సంబంధం ఏమిటా అనుకొంటున్నారా.. “సైజ్ జీరో” కోసం భారీగా బరువు పెరిగిన అనుష్క ఆ సినిమా విడుదలయ్యాక మళ్ళీ తన పాత షేప్ కు వచ్చేందుకు చేసిన ప్రయత్నాలన్నీ విఫలమయ్యాయి. కానీ.. అనుష్క యాక్ట్ చేసేది పోలీస్ ఆఫీసర్ రోల్ కావడంతో.. ఫిట్ నెస్ కంపల్సరీ.
దాంతో.. “బాహుబలి 2″లో హంసనావ పాటకు చేసినట్లుగానే “భాగమతి”లో అనుష్క రోల్ కు ఆల్మోస్ట్ అన్నీ ఫ్రేమ్ లోనూ గ్రాఫీక్స్ చేస్తున్నారట. అనుష్కను వీలైనంత సన్నగా చూపడానికి విశ్వప్రయత్నాలు చేస్తున్నారట దర్శకనిర్మాతలు. కేవలం ఆ గ్రాఫిక్స్ వర్క్ కోసమే కోటిన్నర ఇన్వెస్ట్ చేసి మరీ “బాహుబలి” సినిమాకి గ్రాఫిక్స్ వర్క్ చేసిన ముక్తా ఏజెన్సీకి అప్పగించారట. మరి దర్శకనిర్మాతలు ఇన్ని జాగ్రత్తలు తీసుకొని మరీ చేస్తున్న “భాగమతి”లో అనుష్క ఎలా కనిపించనుందో తెలియాలంటే కొన్నిరోజులు ఆగాల్సిందే.
Home