పెళ్లి ఆగిపోవడానికి అదే కారణమా..

అదృష్టం బాలేక మధ్యలో “శంకరాభరణం” అనే డిజాస్టర్ పడింది కానీ.. ఆ ఒక్క సినిమా కౌంట్ లో నుండి తీసేస్తే “స్వామిరారా, కార్తికేయ, సూర్య వెర్సస్ సూర్య, ఎక్కడికి పోతావు చిన్నవాడా” లాంటి వరుస విజయాలతో దూసుకుపోతున్న నిఖిల్ సక్సెస్ స్ట్రీక్ మరోలా ఉండేది. ప్రస్తుతం సుధీర్ వర్మతో ఒక సినిమా చేయడానికి సన్నద్ధమవుతూనే.. ఇంకో నాలుగైదు ప్రొజెక్టులు హోల్డ్ లో పెట్టుకొని కూర్చున్న నిఖిల్ మొన్నామధ్య “అవును నేను పెళ్లి చేసుకోబోతున్నాను” అనే వార్తను మీడియా ముఖంగా ప్రకటించేసరికి అందరూ షాక్ అయ్యారు. ఇక నిఖిల్ పై మనసుపడ్డ అమ్మాయిలకైతే దాదాపు గుండె పగిలినంత పనైంది.

చిన్నసైజు సంచలనం సృష్టించిన నిఖిల్ పెళ్లి క్యాన్సిల్ అయ్యిందని సమాచారం. కారణం ఏంట్రా అని ఆరా తీస్తే “జాతకాలు కలవలేదు” అని చెబుతున్నప్పటికీ.. ఫంక్షన్ హాల్ కు అడ్వాన్స్ లు కూడా ఇచ్చేసుకొన్న ఇరుకుటుంబాల పెద్దలు “జాతకం” అనే చాలా ఇంపార్టెంట్ విషయాన్ని పట్టించుకోకుండా ఉంటారా అనే అనుమానాలు వ్యక్తమవుతున్నాయి. అయితే.. అదృష్టమేమిటంటే.. అఖిల్ తరహాలో నిఖిల్ భారీ స్థాయిలో ఎంగేజ్ మెంట్ చేసుకొన్న అనంతరం తన పెళ్లిని క్యాన్సిల్ చేయలేదు. దాంతో.. ఈ విషయంపై పెద్దగా రచ్చ జరగకుండానే సైలెంట్ అయిపోయింది, మరి ఈ రాద్ధాంతం అనంతరం నిఖిల్ బాబు వెంటనే మరో సంబంధం చూసుకొని పెళ్ళాడుతాడో లేక సినిమాల కమిట్ మెంట్ అని కారణాన్ని చూపి కొన్నాళ్ళపాటు తన పెళ్లిని వాయిదా వేస్తాడో చూడాలి.

Also, do SUBSCRIBE to our YouTube channel to get latest Tollywood updates.