నందమూరి బాలకృష్ణ నటుడిగా, రాజకీయ నాయకుడిగా దూసుకుపోతున్నాడు. 46 ఏళ్ళుగా ఇలా నటుడుగా రాణిస్తుంది.. ప్రపంచం మొత్తంగా చూసుకున్నా.. మన బాలయ్య ఒక్కడే అని చెప్పాలి. తన కెరీర్ లో ఎన్నో పౌరాణిక, చారిత్రాత్మక మరియు మెసేజ్ ఓరియెంటెడ్ చిత్రాల్లో నటించాడు. అంతేకాదు ఫ్యాక్షన్ కథలతో కూడుకున్న సినిమాలు అలాగే ఎక్స్ పెరిమెంటల్ మూవీస్ కూడా చేసాడు బాలయ్య. 60 ఏళ్ళ వయసొచ్చినా ఎంతో ఎనర్జిటిక్ గా దూసుకుపోతున్న బాలయ్య ఇప్పటి వరకూ ఒక్క కమర్షియల్ యాడ్ లో కూడా నటించలేదు. స్టార్ ఇమేజ్ వచ్చిన తరువాత.. ఎవరైనా కమర్షియల్ యాడ్స్ లో నటించి మరింతగా సంపాదించుకోవాలి అనుకుంటారు.
బాలయ్యకు కూడా అలాంటి అవకాశాలు వచ్చాయట. కానీ వాటిని సున్నితంగా తిరస్కరించాడట. దాని వెనుక ఓ బలమైన కారణం కూడా ఉందని ఇటీవల ఓ సందర్భంలో చెప్పుకొచ్చాడు. బాలకృష్ణ మాట్లాడుతూ.. “నేను ఎటువంటి కమర్షియల్ యాడ్స్ లో నటించకపోవడానికి కారణం మా నాన్నగారు స్వర్గీయ నందమూరి తారక రామారావు గారు.ఆయన ఏనాడు తన ఇమేజ్‌ను అడ్డం పెట్టుకొని వాణిజ్య ప్రకటనల్లో నటించి క్యాష్ చేసుకోవాలి అనుకోలేదు. కానీ కొంత మంది ఆయన్ని సొంత ఆస్తిగా భావించి.. ఆయన సినిమాల్లోని ఫోటోల్నే తమ ప్రొడక్ట్స్ పై వేసుకొని పబ్లిసిటీ చేసుకునే వాళ్ళు.
మాకు ఇంత ఇమేజ్ ఇచ్చింది ప్రేక్షకులే. అందుకే వాళ్ళను మెప్పించే సినిమాలు చేసి వాళ్ళ అభిమానాన్ని పొందాలని ప్రయత్నిస్తూ ఉంటాను. కానీ ఎట్టిపరిస్థితుల్లోనూ .. వాళ్ళిచ్చిన ఇమేజ్‌ను నా స్వార్థం కోసం వాడుకోవడం కరెక్ట్ కాదు అనేది నా అభిప్రాయం.నాన్న గారు కూడా అదే చెప్పేవారు. అందుకే నేను ఎటువంటి వాణిజ్య ప్రకటనల్లో నటించలేదు. ఒకవేళ అలా చెయ్యడం వల్ల ప్రజలకు ఏమైనా మేలు జరుగుతుంది అంటే.. తప్పకుండా చేస్తాను. కానీ అదే పనిగా డబ్బు కోసం మాత్రం చెయ్యను. నాకు ఉన్నది సరిపోతుంది” అంటూ చెప్పుకొచ్చాడు.
Most Recommended Video
మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!
