సమంత అందుకే తప్పుకుందట!

సమంత ప్రేమ విషయం ఎప్పుడైతే బయట పడిందో ఆమె ప్రతి కదలికపై మీడియా ఫోకస్ చేసింది. త్వరలోనే పెళ్లి చేసుకోవాలనే ఉద్దేశ్యంతో ఉన్న సమంత తను ముందుగా సైన్ చేసిన ప్రాజెక్ట్స్ నుండి తప్పుకుంటుంది. తమిళంలో స్టార్ హీరో ధనుష్ నటిస్తోన్న ‘వడ చెన్నై’లో సమంత, ఆండ్రియాలు హీరోయిన్లుగా నటించాల్సి వుంది. ఈ మధ్యనే ఈ సినిమా సెట్స్ పైకి కూడా వెళ్ళింది.

అయితే సమంత ఈ సినిమాలో నటించడం కుదరదని తన స్థానంలో మరొకరిని తీసుకోమని చెప్పి వార్తల్లో నిలిచింది. సమంత తన పెళ్లి కోసం మాత్రమే ఈ సినిమాకు గుడ్ బై చెప్పలేదట. నిజానికి ఈ బ్యూటీ సైన్ చేసినప్పుడు ‘వడ చెన్నై’ ఒకటే సినిమా. ఆ తరువాత ఈ చిత్రాన్ని మూడు భాగాలుగా చేయాలని ఫిక్స్ అయ్యారు. అంటే సుమారుగా రెండేళ్ల పాటు ఈ సినిమాకు కష్టపడాల్సి ఉంటుంది.

దీంతో అంత సమయం ఒక సినిమా కోసం కేటాయించలేని సమంత తనకు ఈ సినిమా నటించడం కుదరదని తెగేసి చెప్పేసిందట. ఇక డైరెక్టర్ చేసేదేమీ లేక సమంత స్థానంలో అమలాపాల్ ను తీసుకోవాలని సంప్రదింపులు చేస్తున్నారు. సమంత తప్పుకోవడం అమలాపాల్ కు కలిసొచ్చిందనే చెప్పాలి.