నాగార్జున హోస్ట్ గా వ్యవహరిస్తున్న ‘బిగ్ బాస్3’ 7 వ వారంలోకి ఎంటర్ అయ్యింది. గత శని,ఆదివారాలు నాగార్జున స్పెయిన్ లో ఉండటం వల్ల… ‘శివగామి’ అయిన రమ్యకృష్ణ హోస్ట్ చేశారు. ఆమె కూడా చాలా బాగా హోస్ట్ చేసింది. ఇక ఆదివారం ఎలిమినేషన్ లేకపోగా… సోమవారం నాడు వైల్డ్ కార్డు ఎంట్రీని కూడా హౌస్ లోకి పంపించారు. బిగ్ బాస్ హౌస్ లోకి వైల్డ్ కార్డ్ ఎంట్రీ ఘనంగా ఉంటుందని ప్రేక్షకులు భావిస్తే ఫేడవుట్ అయిపోయిన యాంకర్ శిల్పా చక్రవర్తిని పంపించి షాకిచ్చారు బిగ్ బాస్ నిర్వాహకులు.
వైల్డ్ కార్డు ఎంట్రీ విషయంలో హీరోయిన్లు హెబ్బా పటేల్, ఈషా రెబ్బా,శ్రద్ధా దాస్ పేర్లు వినిపించాయి. శ్రద్దా దాస్ అయితే కచ్చితంగా ఎంట్రీ ఇవ్వడం ఖాయమనే ప్రచారం జరిగింది. శ్రద్దా హౌస్ లోకి వస్తే హౌస్ కి గ్లామర్ ఎట్రాక్షన్ వస్తుందని ప్రేక్షకులు భావించారు. అయితే వరుణ్ సందేశ్ హీరోగా నటించిన ‘మరోచరిత్ర’ సినిమా సమయంలో శ్రద్దాకి వరుణ్ సందేశ్ తో ఎఫైర్ ఉందని వార్తలు వచ్చాయి. దీంతో షో కి మసాలా యాడ్ అవుతుందని అంతా అనుకున్నారు. కానీ ‘వరుణ్ సందేశ్ హౌస్ లో ఉండగా.. బిగ్ బాస్ షోకి హౌస్ లోకి ఎంట్రీ ఇవ్వనని షో నిర్వాహకులతో శ్రద్దా చెప్పిందట. ఒకవేళ వరుణ్ ఎలిమినేట్ అయితే ఎంట్రీ ఇస్తానని చెప్పిందట. దీంతో ఈమె ఎంట్రీ మొదట ఓ వారం రోజులు ఆలస్యం చేశారట. కానీ వరుణ్ ఎలిమినేట్ కాకపోవడంతో శ్రద్ధా ఇవ్వలేదట. ఇప్పుడు వరుణ్ కూడా స్ట్రాంగ్ కంటెస్టెంట్ గా మారాడు. ఎలాగూ ఇప్పట్లో ఎలిమినేట్ అయ్యే అవకాశం లేదని భావించి.. శిల్పా చక్రవర్తిని హౌస్ లోకి పంపించారట. వరుణ్ సందేశ్ తో బ్రేకప్ అయిన తరువాత శ్రద్ధ డిప్రెషన్ కి గురైందని అప్పట్లో వార్తలు వచ్చిన సంగతి తెలిసిందే. ఇప్పుడు శ్రద్ద హౌస్ లోకి వెళితే.. పాత గాయాలు మళ్ళీ రేగే అవకాశం ఉందని.. అలానే వరుణ్ భార్య వితిక కూడా ఉంది కాబట్టి చాలా గొడవలు తలెత్తే ప్రమాదం ఉందని షో నిర్వాహకులు ఆలోచించి ఈ నిర్ణయం తీసుకున్నారట.
Home