Rechipo: 15 ఏళ్ళు.. నితిన్ ‘రాబిన్ హుడ్’ కి వార్నింగ్ లాంటి సినిమా అది..!

రాజమౌళి (S. S. Rajamouli) దర్శకత్వంలో చేసిన ‘సై’ (Sye)  తర్వాత నితిన్ (Nithin Kumar) డజను ప్లాపులు ఇచ్చాడు. ఆ టైంలో అతను చేసిన సినిమాల్లో.. ‘ఏది.. ఎప్పుడు వచ్చిందో? ఎప్పుడు వెళ్లిపోయిందో?’ చాలా మందికి తెలీదు. అదే టైంలో వచ్చిన ‘రెచ్చిపో’ (Rechipo) గురించి ఇప్పుడు మనం చెప్పుకోబోతున్నాం. ఆ టైంకి మినిమమ్ గ్యారంటీ దర్శకుడిగా పేరున్న పరుచూరి మురళి తెరకెక్కించిన సినిమా ఇది. ‘నీ స్నేహం’ ‘పెదబాబు’ ‘ఆంధ్రుడు’.. ఇలా అతను చేసిన సినిమాలు బాగానే ఆడాయి.

Rechipo

ఇక నితిన్ కి జోడీగా ఇలియానా (Ileana) హీరోయిన్ గా నటించింది. మణిశర్మ సంగీత దర్శకుడు. నితిన్ 6 ప్యాక్ బాడీతో.. యాక్షన్ మోడ్లో ఉన్న పోస్టర్స్ వదిలారు. అవన్నీ చూస్తే.. నితిన్ ఈసారి సాలిడ్ హిట్టు కొట్టి కంబ్యాక్ ఇవ్వడం గ్యారెంటీ అని అంతా అనుకున్నారు. కానీ 2009 సెప్టెంబర్ 25న విడుదలైన ఈ సినిమా మొదటి షోకే డిజాస్టర్ టాక్ ను మూటగట్టుకుంది. నెక్స్ట్ షోకే జనాలు లేక థియేటర్లు విలవిలలాడాయి.

ఈ సినిమాలో నితిన్ దొంగ పాత్రలో కనిపించాడు. యాక్షన్ ఎపిసోడ్స్ కోసం అతను బాగా కష్టపడ్డాడు. కానీ ‘రెచ్చిపో’ అతనికి సక్సెస్ ఇవ్వలేదు. ఇలియానా గ్లామర్ కూడా థియేటర్లకు జనాలను రప్పించలేకపోయింది. నిర్మాత భారీగా ఖర్చు పెట్టారు. ప్రొడక్షన్ వాల్యూస్ కూడా బాగుంటాయి. నేటితో ఈ సినిమా రిలీజ్ అయ్యి 15 ఏళ్ళు పూర్తి కావస్తోంది. ఇదిలా ఉంటే.. మళ్ళీ 15 ఏళ్ళ తర్వాత నితిన్.. ‘రాబిన్ హుడ్’ (Robinhood) సినిమాలో దొంగ పాత్ర పోషిస్తున్నాడు.

వెంకీ కుడుముల (Venky Kudumula)  డైరెక్ట్ చేస్తున్న ఈ సినిమాలో కూడా యాక్షన్ ఎపిసోడ్స్ ఎక్కువగానే ఉంటాయట. శ్రీలీల  (Sreeleela)   ఇందులో హీరోయిన్ గా నటిస్తుంది. మరి ఈసారైనా నితిన్ కి దొంగ పాత్ర కలిసొస్తుందా అనేది ఇప్పుడు హాట్ టాపిక్ అయ్యింది. ఏదేమైనా ‘రెచ్చిపో’ అనేది ‘రాబిన్ హుడ్’ కి వార్నింగ్ గా గుర్తు చేసుకోవాలి. ఒకవేళ ‘రాబిన్ హుడ్’ కనుక హిట్ అయితే నితిన్.. ‘రెచ్చిపో’ సెంటిమెంట్ ని బ్రేక్ చేసినట్టే..!

‘మంగళవారం’ దర్శకుడితో ధృవ్ విక్రమ్ సినిమా.. నిజమెంత..!