అజయ్ భూపతి (Ajay Bhupathi) … తొలి చిత్రం ‘ఆర్‌.ఎక్స్ 100’తో పెద్ద బ్లాక్ బస్టర్ కొట్టి.. టాప్ డైరెక్టర్స్ లిస్ట్ లో చేరిపోయాడు. ఆ తర్వాత శర్వానంద్ (Sharwanand)..తో ‘మహాసముద్రం’ (Maha Samudram) అనే మాస్ అండ్ యాక్షన్ మూవీ చేశాడు. అది అనుకున్న ఫలితాన్ని ఇవ్వలేదు. బాక్సాఫీస్ వద్ద ఆ సినిమా తీవ్రంగా నిరాశపరచడంతో అజయ్ భూపతితో సినిమాలు చేయడానికి నిర్మాతలు పెద్దగా ఇంట్రెస్ట్ చూపలేదు. ఈ క్రమంలో అతను ‘మంగళవారం’ (Mangalavaaram) అనే సినిమా చేశాడు.
ఈ సినిమాకి క్రిటిక్స్ నుండి మంచి రెస్పాన్స్ దక్కింది.బాక్సాఫీస్ వద్ద పెద్దగా అద్భుతాలు చేయలేదు కానీ అజయ్ టాలెంట్ మరోసారి ఈ సినిమా ద్వారా అందరికీ తెలిసొచ్చింది. అయితే ఈ సినిమా రిలీజ్ అయ్యి 9 ఏళ్ళు పూర్తి కావస్తున్నా.. తన నెక్స్ట్ సినిమా ఏంటి అన్నది అజయ్ భూపతి ప్రకటించలేదు. ‘మంగళవారం 2’ స్క్రిప్ట్ అయితే అజయ్ రెడీ చేసుకున్నాడు. దాన్ని నిర్మించేందుకు నిర్మాతలు కూడా రెడీ. కానీ.. ఈలోపు ఇంకో సినిమా చేస్తే బెటర్ అన్నది అతని ఆలోచనగా తెలుస్తుంది.
స్టార్ హీరో విక్రమ్ (Vikram) కొడుకు ధృవ్ కి (Dhruv Vikram) ఓ కథ చెప్పాడు.విక్రమ్ కూడా ఈ కథ వినడం జరిగిందట. అజయ్ భూపతి నెరేట్ చేసిన విధానం. అతని ప్రీవియస్ వర్క్స్ ఇంప్రెసివ్ గా అనిపించడంతో విక్రమ్ ఈ ప్రాజెక్టుకు గ్రీన్ సిగ్నల్ ఇచ్చేశాడని సమాచారం. అజయ్ భూపతి ఇప్పటివరకు టచ్ చేయని జోనర్లో ఈ సినిమా ఉంటుందట. త్వరలోనే ఈ ప్రాజెక్టు గురించి అధికారిక ప్రకటన వచ్చే ఛాన్స్ ఉంది.
Home
