తెలుగు, తమిళ చిత్రాలలో హీరోయిన్ గా నటించిన రెజీనాకు ఈ మధ్యకాలంలో అవకాశాలు తగ్గాయి. తమిళంలో ఛాన్స్ లు వస్తున్నప్పటికీ తెలుగులో అయితే ఆమె చేతిలో ఒక్క సినిమా కూడా లేదు. తాజాగా ఈ బ్యూటీ జాతీయ స్థాయి వెబ్ సిరీస్ లో నటించే ఛాన్స్ వచ్చిందని సమాచారం. నిజానికి రెజీనా ప్రధాన పాత్రలో ‘బాహుబలి’ నిర్మాతలు ఓ వెబ్ సిరీస్ ను చేయబోతున్నట్లు వార్తలు వచ్చాయి. కానీ అది కార్యరూపం దాల్చలేదు.
అయితే తాజా సమాచారం ప్రకారం.. రెజీనా ఓ క్రేజీ వెబ్ సిరీస్ లో కనిపించబోతుంది. బాలీవుడ్ లో రాయ్ కపూర్ ఫిలిమ్స్ అండ్ ఎమ్మీ ఎంటర్టైన్మెంట్స్ సంయుక్తంగా నిర్మిస్తోన్న ‘రాకెట్ బాయ్స్’ అనే వెబ్ సిరీస్ సోనీలైవ్ లో ప్రసారం కానుంది. ఈ సిరీస్ కి మంచి క్రేజ్ ఉంది. ఇదొక సైన్స్ ఫిక్షన్ వెబ్ సిరీస్. అంతరిక్ష పరిశోధనా రంగంలో విశేష కృషి చేసిన స్పేస్ దిగ్గజాలు అబ్దుల్ కలాం, విక్రమ్ సారాభాయ్, హోమీ బాబా లాంటి మేథావుల ఇతివృత్తం ఆధారంగా ‘రాకెట్ బాయ్స్’ను తెరకెక్కిస్తున్నారు.
ఇందులో ఇశ్వాక్ సింగ్, జిమ్ సర్బ్ ప్రధాన పాత్రలు పోషిస్తున్నారు. స్పేస్ నేపథ్యంలో సిరీస్ కాబట్టి జాతీయ, అంతర్జాతీయ ప్రేక్షకుల దృష్టిని ఆకర్షిస్తుందని నమ్ముతున్నారు. ఇలాంటి క్రేజీ ప్రాజెక్ట్ లో రెజీనా భాగం కావడం అదృష్టమనే చెప్పాలి. ఇప్పటికే బాలీవుడ్ లో ‘ఏక్ లడకీ కో తో అసీ లగా’ అనే సినిమాతో ఎంట్రీ ఇచ్చింది రెజీనా. కానీ ఈ సినిమా తనకు బాలీవుడ్ లో అవకాశాలు తీసుకురాలేకపోయింది. మళ్లీ ఇంతకాలానికి ఓ హిందీ వెబ్ సిరీస్ లో నటిస్తుండడం విశేషం.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
Home