Akira Nandan: అఖిరా టాలీవుడ్ ఎంట్రీపై రేణు దేశాయ్ కామెంట్

April 8, 2022 / 06:08 PM ISTByFilmy Focus

Join Us

Akira Nandan: అఖిరా టాలీవుడ్ ఎంట్రీపై రేణు దేశాయ్ కామెంట్

టాలీవుడ్ సినిమా ఇండస్ట్రీలో ప్రస్తుతం ఉన్న స్టార్ హీరోల వారసుడు ఎంట్రీ కోసం అభిమానులు ఎంతో ఆతృతగా ఎదురు చూస్తున్నారు. ఇక వారందరిలో ఎక్కువగా అందరి ఫోకస్ అయితే పవన్ కళ్యాణ్ వారసుడి పైనే ఉంది. పవర్ స్టార్ పవన్ కళ్యాణ్ తర్వాత అకీరానందన్ తప్పకుండా ఇండస్ట్రీలో కి వస్తాడు అని అభిమానులు అయితే ఎంతో నమ్మకంతో ఉన్నారు. అతను వస్తే మాత్రం మొదటి సినిమాతోనే ఇండస్ట్రీని షేక్ చేయడం కూడా ఖాయం అని తెలుస్తోంది.

ఇక అఖిరా నందన్ కు సంబంధించిన ఫొటోలు వీడియోలు ఏ మాత్రం బయటకు వచ్చినా కూడా ఒక రేంజ్ లో వైరల్ అవుతుంటాయి. ఇక అఖిరా వయసు నేటితో 18 లోకి వచ్చేసింది. అతను అడల్ట్ అయ్యాడని రేణు దేశాయ్ ఒక వీడియోను కూడా పోస్ట్ చేసింది. అతను తన చెల్లికి మంచి సోదరుడు అని స్నేహితులకు మాంచి మిత్రుడు అని ఒక పర్ఫెక్ జెంటిల్ మెన్ అని కూడా ఆమె పేర్కొన్నారు.

అంతే కాకుండా అతనికి యాక్టర్ అవ్వాలని లేదని ఇంతవరకు ఎలాంటి సినిమా చేసేందుకు సైన్ చేయలేదు అని కూడా ఆమె తెలియజేశారు. ఇక వీడియోలో అఖిరా బాక్సింగ్ చేస్తూ పవర్ఫుల్ పంచెస్ తో షాక్ ఇస్తున్నాడు. అసలే ఈ రోజు తన అన్న వరుణ్ తేజ్ సినిమా గని బాక్సింగ్ బ్యాక్ డ్రాప్ లో విడుదలవుతున్న విషయం తెలిసిందే. ఇక అఖిరా కూడా అదే తరహాలో కిక్ బాక్సింగ్ తో ఆశ్చర్య పరిచాడు. ఇక ఆ వీడియో సోషల్ మీడియాలో వైరల్ గా మారిపోయింది.

ఇక అఖిరా 18 లోకి రావటంతో హీరోగా ఎంట్రీ ఇవ్వాలని అభిమానులు బలంగా కోరుకుంటున్నారు. అకీరానందన్ మెగా ఫ్యామిలీ తో కూడా చాలా క్లోజ్ గా ఉంటున్నాడు. ఇక పవన్ కళ్యాణ్ రేణు దేశాయ్ నుంచి విడాకులు తీసుకున్న అప్పటికి కూడా తండ్రిగా అయితే తన పిల్లలకు దగ్గరగానే ఉంటున్నాడు. ఏ మాత్రం గ్యాప్ దొరికినా కూడా ఖాళీ సమయాల్లో కొడుకు కూతురు తండ్రితో కలిసి టైమ్ స్పెండ్ చేస్తున్నారు.