ప్రస్తుతం తెలుగు రాష్ట్రాల్లో తెలంగాణ సీఎం రేవంత్ రెడ్డి పేరు మారుమ్రోగుతున్న సంగతి తెలిసిందే. రేవంత్ రెడ్డి అమలు చేస్తున్న పథకాల గురించి సైతం జోరుగా చర్చ జరుగుతోంది. ఇప్పటికే తెలంగాణలో మంత్రులకు శాఖలను కేటాయించడం జరిగింది. ఆరోగ్యశ్రీ స్కీమ్ లో భాగంగా వైద్యం ఖర్చును 10 లక్షల రూపాయలకు పెంచుతున్నట్టు తెలంగాణ సర్కార్ కీలక ప్రకటన చేసింది. అయితే రేవంత్ రెడ్డి చాలా సంవత్సరాల క్రితం ఒక న్యూస్ ఛానెల్ లో జూనియర్ ఎన్టీఆర్ గురించి ప్రస్తావిస్తూ ఆసక్తికర వ్యాఖ్యలు చేయగా ఆ వ్యాఖ్యలు నెట్టింట వైరల్ అవుతున్నాయి.
వైరల్ అవుతున్న వీడియోలో జూనియర్ ఎన్టీఆర్ అందరితో మంచిగా ఉంటారని నాకు పర్సనల్ గా తారక్ తెలుసని ఆయన కామెంట్లు చేశారు. రేవంత్ రెడ్డి తెలుగుదేశంలో ఉన్న సమయంలో ఈ ఇంటర్వ్యూ ఇచ్చారు. తారక్ తెలుగుదేశం కోసం పని చేస్తానని చాలా సందర్భాల్లో చెప్పారని పార్టీకి, తారక్ కు మధ్య సమస్యలు ఉన్నా అవి చాలా చిన్నవని అన్నారు. పార్టీ ప్రచారం కోసం పిలిస్తే తారక్ నో చెప్పరని రేవంత్ రెడ్డి అన్నారు.
జూనియర్ ఎన్టీఆర్ (Jr NTR) తనకు సాన్నిహిత్యం ఉందని రేవంత్ రెడ్డి తన కామెంట్ల ద్వారా చెప్పకనే చెప్పేశారు. ఎన్టీఆర్ విషయానికి వస్తే దేవర సినిమాతో తారక్ బిజీగా ఉన్నారనే సంగతి తెలిసిందే. దేవర సినిమాకు అనిరుధ్ మ్యూజిక్ అందిస్తున్న సంగతి తెలిసిందే. ఈ నెలాఖరు సమయానికి దేవర మూవీ నుంచి టీజర్ రిలీజ్ కానుందని సమాచారం అందుతోంది.
కొరటాల శివ తన గత సినిమాలకు మించి ఈ సినిమా కోసం కష్టపడుతున్నారని తెలుస్తోంది. 300 కోట్ల రూపాయల అత్యంత భారీ బడ్జెట్ తో ఈ సినిమా తెరకెక్కుతోంది. త్వరలో కొరటాల శివ వరుస అప్ డేట్స్ తో దేవర ప్రపంచాన్ని పరిచయం చేయబోతున్నారని తెలుస్తోంది.
హాయ్ నాన్న సినిమా రివ్యూ & రేటింగ్!!
‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!
