కన్నడ నటుడు, నిర్మాతగా, దర్శకుడిగా ప్రూవ్ చేసుకుని.. ‘కాంతార’ తో శాండల్‌వుడ్ సినిమాకి ‘కె.జి.యఫ్’ తర్వాత అంతటి క్రేజ్, కోట్లాది రూపాయల కలెక్షన్లతో పాటు ప్రపంచవ్యాప్తంగా గుర్తింపు తెచ్చి.. తమ ఇండస్ట్రీ గురించి అందరూ మాట్లాడుకునేలా చేశాడు రిషబ్ శెట్టి. కన్నడలో రిలీజ్ అయ్యాక మిగతా భాషల్లో విడుదల కావడం.. తెలుగు రాష్ట్రాల్లో సెన్సేషన్ క్రియేట్ చేయడం.. నార్త్‌లో ఊహించని విధంగా భారీ వసూళ్లు రాబట్టడం.. ‘కాంతార’ లో చూపించిన ప్రాచీన సాంప్రదాయ కళను బ్రతికించుకోవడానికి, కళాకారులను ఆదుకోవడానికి కర్ణాటక ప్రభుత్వం నిర్ణయం తీసుకోవడం..
ఇలా చెప్పుకుంటూపోతే ఈ సినిమా ఎన్నో సంచలనాలకు తెరతీసింది. భాషతో సంబంధం లేకుండా పలు ఇండస్ట్రీలకు చెందిన సినీ ప్రముఖులు ‘కాంతర’ మూవీని, రిషబ్ శెట్టి టాలెంట్‌ని ప్రశంసిస్తూ సోషల్ మీడియాలో పోస్టులు చేస్తున్నారు. సౌత్ ఇండియన్ సూపర్ స్టార్ రజినీ కాంత్ కూడా సినిమా చూసి తన స్పందన తెలియజేశారు. వీలు చూసుకుని కలవాలని ఆహ్వానించారాయన. ఈ నేపథ్యంలో మర్యాద పూర్వకంగా రజినీని కలిశారు రిషబ్ శెట్టి. చెన్నైలోని నివాసంలో సూపర్ స్టార్‌ని కలిసి ఆశీర్వాదం తీసుకున్న రిషబ్..
చాలా సేపు ముచ్చటించారు. ‘కాంతార’ విశేషాలను రజినీకి వివరించారు. సినిమాతో పాటు రిషబ్ ప్రతిభను ప్రశంసించారు తలైవా.. రిషబ్, రజినీ కాళ్లకు నమస్కారం చేసి ఆశీర్వాదం తీసుకున్నారు. ఈ ఫొటోలను షేర్ చేస్తూ.. ‘రజినీ కాంత్ దగ్గర ఒక్కసారి ఆశీర్వాదం తీసుకుంటే.. వందసార్లు తీసుకున్నట్టే’ అని కామెంట్ చేశారు. రజినీ, రిషబ్ కలిసిన పిక్స్, న్యూస్ నెట్టింట వైరల్ అవుతున్నాయి.
‘కాంతార’ తో టాలెంట్ ప్రూవ్ చేసుకున్న రిషబ్ శెట్టికి తెలుగులోనూ పలు ఆఫర్లు వస్తున్నాయి. అగ్రనిర్మాత అల్లు అరవింద్ ఈ చిత్రాన్ని తెలుగులో రిలీజ్ చేసి, అత్యధిక లాభాలు జేబులో వేసుకుంటున్నారు. తమ బ్యానర్లో రిషబ్ ఓ సినిమా చేస్తారని అనౌన్స్ చేశారు. మెగా పవర్ స్టార్ రామ్ చరణ్, ఐకాన్ స్టార్ అల్లు అర్జున్ ఇద్దరిలో ఒకరు రిషబ్ డైరెక్షన్లో హీరోగా చేస్తారని వార్తలు వస్తున్నాయి.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
Home