‘రోబో 2 . ఓ’ లో ఒక పాటకు ఎంత ఖర్చు చేసారో తెలుసా ?

సౌత్ ఇండియన్ సూపర్ స్టార్ రజనీకాంత్, డైరక్టర్ శంకర్ కలయిక అంటేనే అదొక స్పెషల్. పైగా రోబో సినిమాకి సీక్వెల్ గా వస్తున్న “రోబో 2 . ఓ” సినిమా ప్రారంభం నుంచి క్రేజ్ ని సొంతం చేసుకుంది. బాలీవుడ్ యాక్షన్ హీరో అక్షయ్ కుమార్ విలన్ గా నటిస్తున్న ఈ సినిమా షూటింగ్ పూర్తి చేసుకొని పోస్ట్ ప్రొడక్షన్ జరుపుకుంటోంది. 500 కోట్ల భారీ బడ్జెట్తో లైకా ప్రొడక్షన్స్ సంస్థ నిర్మిస్తోన్నఈ మూవీకి సంబందించిన ఓ వార్త ప్రస్తుతం సోషల్ మీడియాలో వైరల్ అయింది. ఇందులో ఒక పాట కోసం 32 కోట్లు ఖర్చు చేసినట్లు తెలిసింది.

అన్ని కోట్లతో ఒక పెద్ద సినిమానే నిర్మించవచ్చు. అటువంటి మొత్తాన్ని ఒక పాటకి ఖర్చు చేయడం విచిత్రంగా చెప్పుకుంటున్నారు. అభిమానులు మాత్రం రజనీనా, మజాకా అని గర్వంగా ఫీలవుతున్నారు. 12 కోట్లతో తెరకెక్కిన ఫైట్ ఇందులో ఒక హైలెట్ కాగా, 32 కోట్లతో రూపుదిద్దుకున్న పాట మరో హైలెట్ కానుంది. “ఐ” బ్యూటీ అమీ జాక్సన్ హీరోయిన్ గా నటిస్తున్న ఈ చిత్రాన్ని తమిళ సంవత్సరాది అయిన ఏప్రిల్ 14వ తేదీన రిలీజ్ చేయనున్నట్లు సమాచారం.

Also, do SUBSCRIBE to our YouTube channel to get latest Tollywood updates.