మన దేశంలోనే అత్యంత భారీ బడ్జెట్ తో తెరకెక్కిన ఆర్ఆర్ఆర్ మూవీ రిలీజ్ కావడానికి కేవలం రెండు వారాల సమయం మాత్రమే ఉంది. ప్రపంచవ్యాప్తంగా రికార్డు స్థాయి స్క్రీన్లలో ఈ సినిమా రిలీజ్ కానుంది. ఆర్ఆర్ఆర్ సినిమాపై ఊహించని స్థాయిలో అంచనాలు నెలకొన్నాయి. చరణ్, తారక్ అభిమానులు ఈ సినిమా కోసం కళ్లు కాయలు కాచేలా ఆసక్తిగా ఎదురుచూస్తున్నారు. అయితే ఆర్ఆర్ఆర్ సినిమాకు సంబంధించి తాజాగా షాకింగ్ విషయం వెల్లడైంది.
రాధేశ్యామ్ సినిమా ప్రమోషన్స్ లో భాగంగా ప్రభాస్ రాధేశ్యామ్ సెట్స్ లో ఆర్ఆర్ఆర్ షూట్ జరిగిందంటూ ఆసక్తికర విషయాన్ని చెప్పుకొచ్చారు. అన్నపూర్ణ స్టూడియోస్ లో రాధేశ్యామ్ మూవీ షూటింగ్ జరిగే సమయంలో ఆర్ఆర్ఆర్ మూవీ సెటప్ కూడా అక్కడ ఉందని అయితే ఆర్ఆర్ఆర్ మూవీ సెట్స్ లో ఖాళీ లేకపోవడంతో కార్తికేయ ఫోన్ చేసి మీ సెటప్ లో అలియా భట్ కు సంబంధించిన చిన్న బ్లాక్ షూట్ చేసుకుంటామని అడిగాడని ప్రభాస్ అన్నారు.
తాను వెంటనే ఓకే చెప్పడంతో రాజమౌళి సెట్ కు వచ్చి అలియా సీన్ పూర్తి చేశారని ప్రభాస్ అన్నారు. ఆర్ఆర్ఆర్ కోసం మా సెట్ లో సగం ఇచ్చేశామని అటువైపు రాజమౌళి యాక్షన్ అని చెబుతుంటే ఇటువైపు రాధాకృష్ణ యాక్షన్ అని చెబుతున్నారని అలా ఇద్దరూ చెప్పడం నాకు బాగా అనిపించిందని ప్రభాస్ అన్నారు. రాధాకృష్ణ యాక్షన్ అని చెప్పిన సమయంలో రాజమౌళి యాక్షన్ అని అరవడంతో తాను మంచి అనుభూతిని పొందానని ప్రభాస్ పేర్కొన్నారు.
రాధేశ్యామ్ సినిమాలో షిప్ ఎపిసోడ్ అంటే ఇష్టమని జక్కన్న చెప్పడం గమనార్హం. మరికొన్ని గంటల్లో రాధేశ్యామ్ థియేటర్లలో విడుదల కానుండగా ఈ సినిమా సక్సెస్ ను సొంతం చేసుకుంటుందేమో చూడాల్సి ఉంది. రాధేశ్యామ్ అనే టైటిల్ ను ఈ సినిమాకు ఎందుకు ఫిక్స్ చేశారో క్లారిటీ రావాల్సి ఉంది. జాతకాలను నమ్మని ప్రభాస్ ఈ సినిమాలో హస్తసాముద్రికుని పాత్రలో కనిపిస్తుండటం గమనార్హం.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
Home