2022 సంక్రాంతికి ‘ఆర్.ఆర్.ఆర్’.. పవన్ సినిమా పరిస్థితేంటో..!

మెల్ల మెల్లగా తెలుగు సినిమా ఇండస్ట్రీ కోలుకుంటుంది. వచ్చేనెల నుండీ పెద్ద సినిమాలు కూడా రిలీజ్ కావడానికి రెడీ అవుతున్నాయి. అంతా బానే ఉంది అనుకుంటున్న టైములో.. యావత్ భారతదేశ సినీ ప్రేమికులు ఎంతో ఆసక్తిగా ఎదురుచూస్తున్న ‘ఆర్.ఆర్.ఆర్’ చిత్రం మరోసారి పోస్ట్ పోన్ కాబోతుంది అనే వార్త ఇప్పుడు నెట్టింట హల్ చల్ చేస్తుంది. నిజానికి ఈ చిత్రం ఇప్పటికే రెండు సార్లు పోస్ట్ పోన్ అయ్యింది. మొదట 2020 జూలై 30న ఈ చిత్రాన్ని విడుదల చేస్తామని దర్శకనిర్మాతలు ప్రకటించారు. తరువాత 2021 జనవరి 8కి పోస్ట్ పోన్ చేసినట్టు ప్రకటించారు.

కరోనా కారణంగా ఆ ప్లానింగ్ ఫెయిల్ అయ్యింది. దాంతో 2021 అక్టోబర్ 13న ‘ఆర్.ఆర్.ఆర్’ విడుదల కాబోతుంది అని ప్రకటించారు. అయితే ఇప్పుడు ఆ డేట్ కూడా మారబోతుందనేది తాజా సమాచారం. ప్రస్తుతం ‘ఆర్.ఆర్.ఆర్’ క్లైమాక్స్ చిత్రీకరణ జరుగుతుంది. అయితే రాజమౌళి వేసుకున్న షెడ్యూల్ కు ‘ఆర్.ఆర్.ఆర్’ కంప్లీట్ అయ్యే అవకాశాలు లేవట. దాంతో 2020 సంక్రాంతి కానుకగా విడుదల చెయ్యాలని భావిస్తున్నట్టు తెలుస్తుంది. ఈ నేపథ్యంలో ఆ టైం కి ప్లాన్ చేసుకున్న మహేష్ బాబు ‘సర్కారు వారి పాట’ టీం..

విడుదల తేదీని ముందుకు జరుపుకుంటే బెటర్ అని భావిస్తున్నట్టు తెలుస్తుంది. నిజానికి ‘సర్కారు వారి పాట’ చిత్రీకరణ ఆగష్ట్ నాటికి ఫినిష్ అయిపోతుంది. కానీ ‘ఆర్.ఆర్.ఆర్’ రిలీజ్ ఉందని భావించే వాళ్ళు 2022 సంక్రాంతికి రావాలని ఫిక్స్ అయ్యి.. అధికారిక ప్రకటన ఇచ్చేసారు. ఇప్పుడు ‘ఆర్.ఆర్.ఆర్’ టీం సంక్రాంతికి కన్ఫర్మ్ చేసుకుంటే కనుక ‘సర్కారు వారి’ టీం విడుదల తేదీని ముందుకు జరుపుకుంటారని తెలుస్తుంది.

Most Recommended Video

ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!