బాలీవుడ్ స్టార్ హీరో అజయ్ దేవగన్ నటించిన ‘తాన్హాజీ’ సినిమా పాండమిక్ కి ముందు రిలీజై రూ.200 కోట్లకు పైగా వసూళ్లను సాధించింది. ఆయన కెరీర్ లో బిగ్గెస్ట్ హిట్ గా నిలిచింది. ఆ సినిమాతో ఆయన మార్కెట్ అమాంతం పెరిగిపోయింది. దీంతో తరువాత చేయబోయే సినిమాకి అది బాగా కలిసొస్తుందని అనుకున్నారు. అందుకేనేమో.. తరువాతి సినిమాను స్వీయ దర్శకత్వంలో, నిర్మాణంలో ‘రన్ వే 34’ సినిమాను రూపొందించారు. ప్రోమోలతో ఆసక్తి క్రియేట్ చేసిన ఈ సినిమా..
రెండు నెలల కిందట థియేటర్లలోకి దిగింది. సినిమాకి మంచి రివ్యూలు వచ్చాయి. మౌత్ టాక్ కూడా బాగుంది కానీ వసూళ్లలో మాత్రం అది కనిపించలేదు. తొలిరోజు మూడున్నర కోట్ల వసూళ్లు మాత్రమే సాధించిన ఈ సినిమా ఫుల్ రన్ లో రూ.20 కోట్ల మార్క్ ను కూడా అందుకోలేకపోయింది. చాలా రోజులు ఎదురుచూసి థియేటర్లలో రిలీజ్ చేస్తే ఇలాంటి రిజల్ట్ చూసి అజయ్ అండ్ టీమ్ కూడా షాక్ అయింది.
అయితే ఈ మధ్య బాలీవుడ్ లో రిలీజ్ అవుతున్న సినిమాలేవీ పెద్దగా ఆడడం లేదు. ఓటీటీలో మాత్రం హిట్ అవుతున్నాయి. ఇప్పుడు ‘రన్ వే 34’ సినిమా విడుదల కూడా ఇదే జరిగింది. అమెజాన్ ప్రైమ్ లో ముందు ఈ సినిమాను రెంట్ ఆప్షన్ తో రిలీజ్ చేశారు. కొన్ని వారాల తరువాత ఫ్రీగా సబ్‌స్క్రైబర్లందరికీ చూసే అవకాశం కల్పించారు. అప్పటినుంచి ఈ సినిమా మంచి రెస్పాన్స్ వాడుతోంది. సోషల్ మీడియాలో ఓ కొత్త సినిమా రిలీజ్ అయినట్లు దీని గురించి పోస్ట్ లు పెడుతున్నారు.
రిలీజ్ అయిన దగ్గర నుంచి ప్రైమ్ లో ఇదే నెంబర్ వన్ స్థానాల్లో ట్రెండ్ అవుతోంది. అందులో ఈ సినిమా చూసిన వాళ్లు థియేటర్లలో ఎందుకు ఆడలేదో అంటూ ఆశ్చర్యపోతున్నారు. ఈ మధ్యకాలంలో ప్రేక్షకులు మాస్ కంటెంట్, క్రేజ్ ఉన్న సినిమాలకే థియేటర్లకు వెళ్తున్నారు. లేదంటే ఓటీటీలో చూసుకుందామని లైట్ తీసుకుంటున్నారు. అందుకే కొన్ని సినిమాలు థియేటర్లలో వర్కవుట్ కాకపోయినా.. ఓటీటీలో హిట్ అవుతున్నాయి!
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
Home
