కీర్తి సురేష్ పోస్టర్ పై ప్రశంసలు జల్లు!

‘మహానటి’ సినిమాతో కీర్తి సురేష్ ఎంతటి పేరు సంపాదించిందో తెలిసిందే. ఈ సినిమాతో జాతీయ స్థాయిలో గుర్తింపు తెచ్చుకుంది. అయితే ఈ సినిమా తరువాత సరైన సినిమాలను ఎంపిక చేసుకోలేక తప్పటడుగులు వేసింది. వరుసగా లేడీ ఓరియెంటెడ్ సినిమాలు చేస్తూ ప్రేక్షకులను మెప్పించలేకపోయింది. ఆమె నటించిన ‘పెంగ్విన్’, ‘మిస్ ఇండియా’ సినిమాలు డిజాస్టర్లుగా మిగిలాయి. అసలు ఇలాంటి కథల్లో నటించడానికి కీర్తి ఎలా ఒప్పుకుందనే ప్రశ్నలు మొదలయ్యాయి. కీర్తి గనుక ఇలానే సరైన జడ్జిమెంట్ లేకుండా సినిమాలు చేసుకుంటూ పోతే ఆమె ఇమేజ్ పోవడం ఖాయమనే విమర్శలు వినిపించాయి.

ఈ నేపథ్యంలో కీర్తి నటించిన ‘సాని కాయిదం’ అనే సినిమా ఫస్ట్ లుక్ పోస్టర్ ని రిలీజ్ చేశారు. సాని కాయిదం అంటే రఫ్ పేపర్ అని అర్ధం. ఈ పోస్టర్ లో కీర్తిని చూసిన వారంతా కూడా షాక్ అవుతున్నారు. ఎంతో వయిలెంట్ గా పోస్టర్ ని డిజైన్ చేశారు. ఈ సినిమాతో దర్శకుడు సెల్వ రాఘవన్ నటుడిగా మారుతుండడం విశేషం. ఈ పోస్టర్ లో కీర్తి, సెల్వ ఇద్దరూ తమ షాకింగ్ లుక్ తో ఆశ్చర్యపరిచారు. కథ ప్రకారం వీరిద్దరూ తండ్రీకూతుళ్లని, హంతుల పాత్రలు చేయబోతున్నారని సమాచారం. ఈ పోస్టర్ సినిమా మీద ఆసక్తిని మరింత పెంచేస్తోంది.

కీర్తిని విమర్శించిన వారే.. ఈ పోస్టర్ చూసి ఆమెపై ప్రశంసలు కురిపిస్తున్నారు. కీర్తి నుండి ఇలాంటి వైవిధ్యమైన కథలనే కోరుకుంటున్నామని సోషల్ మీడియాలో కామెంట్స్ పెడుతున్నారు. అయితే కీర్తి గతంలో ఎప్పుడూ కూడా ఇలాంటి ప్రయత్నాలు చేయలేదు. మరి ఈ సినిమాతో ఎలాంటి రిజల్ట్ ని అందుకుంటుందో చూడాలి!

Most Recommended Video

‘కమిట్‌ మెంటల్’ వెబ్ సిరీస్ రివ్యూ & రేటింగ్!
ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?