టాలీవుడ్ లో ఒక హీరో కోసం రాసుకున్న కథలో మరొకరు నటించిన సందర్భాలు అనేకం ఉన్నాయి. ఈ కథల జాబితాలో తాజాగా మరో కథ చేరింది. అదే వివి వినాయక్ దర్శకత్వంలో సాయి ధరమ్ తేజ్ సినిమా. ఫిలిం నగర్ వాసుల సమాచారం మేరకు,.. డైరక్టర్ శ్రీనివాస్ రెడ్డి నాగార్జునతో ఢమరుకం సినిమా తీశారు. ఆ తర్వాత నాగ చైతన్య కోసం హలో బ్రదర్ సినిమాకి సీక్వెల్ కథని ప్రిపేర్ చేశారు. చివరికి ఆ కథకి చైతూ నో చెప్పారు. అయితే తప్పకుండా సినిమా చేస్తానని మాట ఇచ్చారు. దీంతో శ్రీనివాస్ రెడ్డి, రచయిత ఆకుల శివతో కలసి మంచి కథని రాసారు. ఆ కథ నచ్చినప్పటికీ ఇతర కమిట్మెంట్ వల్ల సినిమా చేయలేకపోయారు.
ఇదే కథని స్వల్ప మార్పులు చేసి వినాయక్ సాయి ధరమ్ తేజ్ తో మూవీ చేస్తున్నారు. మెగా హీరో నటించిన తిక్క, విన్నర్, నక్షత్రం సినిమాలు వరుసగా ఫెయిల్ అయ్యాయి. రీసెంట్ గా బీవీఎస్ రవి దర్శకత్వంలో నటించిన జవాన్ కూడా ఆశించినంత హిట్ సాధించలేకపోయింది. దీంతో సాయి ధరమ్ తేజ్ ఆశలన్నీ వివి వినాయక్ పై పెట్టుకున్నారు. ఇతన్ని మాస్ హీరోగా చూపించడానికి కష్టపడుతున్నారు. భారీ బడ్జెట్ తో ప్రముఖ నిర్మాత సి కళ్యాణ్ నిర్మిస్తున్న ఈ చిత్రం వేగంగా షూటింగ్ జరుపుకుంటోంది. ఈ సినిమాకు “ధర్మాభాయ్‌” అనే టైటిల్ అనుకుంటున్నారు. లావణ్య త్రిపాఠి హీరోయిన్ గా నటిస్తున్న ఈ సినిమాతో హిట్ ట్రాక్ లోకి రావాలని సాయి ధరమ్ తేజ్ భావిస్తున్నారు.
