‘చిత్రలహరి’ ‘ప్రతీరోజూ పండగే’ చిత్రాలతో మళ్ళీ ఫామ్లోకి వచ్చేసాడు మన మెగా మేనల్లుడు సాయి తేజ్. ఈయన నటించిన తాజా చిత్రం ‘సోలో బ్రతుకే సో బెటర్’ విడుదలకు ముస్తాబవుతోంది. నిజానికి ఈ చిత్రాన్ని ఓటిటిలో విడుదల చేయాలనుకున్నారు కానీ చివరి నిమిషంలో ఆ ఆలోచన మానుకున్నట్టు సమాచారం. సుబ్బు డైరెక్ట్ చేసిన ఈ చిత్రాన్ని బి.వి.ఎస్.ఎన్.ప్రసాద్ నిర్మించారు. ప్రస్తుతం థియేటర్లు తెరుచుకున్న నేపథ్యంలో ‘సోలో బ్రతుకే సో బెటర్’ చిత్రాన్ని థియేటర్లలోనే విడుదల చెయ్యాలని నిర్మాతలు భావిస్తున్నట్టు తెలుస్తుంది.
ఇదిలా ఉండగా.. ఈ చిత్రం పూర్తయ్యాక సాయి తేజ్ పెళ్లి చేసుకోబోతున్నాడు అంటూ మొన్నటివరకూ ప్రచారం జరిగింది. కానీ ఇటీవల ఓ ఇంటర్వ్యూలో పాల్గొన్న సాయి తేజ్ పెద్ద షాకిచ్చాడు. ‘నాకు పెళ్లి పై ఇంట్రెస్ట్ అయితే లేదు.కానీ మా ఫ్యామిలీ మెంబెర్స్ నాకు పెళ్లి చెయ్యాలని డిసైడ్ అయ్యారు. ‘సరే.. మీరయితే అమ్మాయిని చూడండి’ అని చెప్పాను అంతే..! అంతకు మించి విషయం ముందుకు వెళ్ళలేదు. ఒకవేళ మా ఇంట్లో వాళ్ళు తీసుకొచ్చిన అమ్మాయి నచ్చింది అంటే మాత్రం కచ్చితంగా పెళ్లి చేసేసుకుంటాను’ అంటూ సాయి తేజ్ చెప్పుకొచ్చాడు.
మొన్నటికి మొన్న ఒంగోలుకు చెందిన ఓ అమ్మాయితో సాయి తేజ్ పెళ్లి ఉంటుందని వార్తలు వచ్చాయి. తేజు పుట్టినరోజు నాడు కూడా ఆయన మావయ్య చిరంజీవి.. ‘నీ సోలో బ్రతుకు ఇక నంబర్స్ మాత్రమే’ అంటూ కామెంట్ చెయ్యడంతూ అందరూ సాయి తేజ్ పెళ్లి ఫిక్సయిపోయినట్టు చెప్పుకొచ్చారు.
Most Recommended Video
కలర్ ఫోటో సినిమా రివ్యూ & రేటింగ్!
24 గంటల్లో అత్యధిక లైక్స్ ను సాధించిన టాప్ 20 టీజర్లు ఇవే..!
టాలీవుడ్ లో తెరకెక్కిన హాలీవుడ్ చిత్రాలు!
