14 ఏళ్ల తర్వాత కలుస్తున్నారు… మీ అభిమాన జోడీ అంటూ ‘లియో’ సినిమా గురించి టీమ్‌ ప్రచారం చేసుకుంది. విజయ్ – త్రిష జోడీకి ఉన్న నాటి క్రేజ్‌ను వాడుకోవడంలో భాగంగానే ఈ ప్రచారం చేశారు. అయితే ఈ ప్రచారానికి, ఈ జోడీ మళ్లీ కలవడానికి కారణం సాయిపల్లవినా? అవుననే అంటున్నాయి కోలీవుడ్‌ వర్గాలు. ‘లియో’ సినిమాకు సంబంధించిన షూటింగ్‌ ఇప్పుడు శరవేగంగా నడుస్తోంది. ఈ క్రమంలోనే హీరోయిన్‌ సెలక్షన్‌ గురించి వార్తలు వస్తున్నాయి.
‘మాస్టర్’ సినిమా తర్వాత విజయ్ – లోకేశ్‌ కనగరాజ్‌ కాంబోలో రూపొందుతున్న చిత్రం ‘లియో’. ఇటీవల ఈ సినిమా టీజర్‌ను కూడా విడుదల చేశారు. ఈ సినిమాలో కథానాయికగా త్రిష నటిస్తోంది. ‘గిల్లి’, ‘కురివి’, ‘తిరుప్పాచ్చి’, ‘అతి’ తదితర సినిమాల్లో ఈ జోడీ నటించి మెప్పించింది. దీంతో ఈ జోడీ విషయంలో ఫ్యాన్స్‌ చాలా హ్యాపీ. అయితే ఈ సినిమాలో నాయిక పాత్ర కోసం తొలుత సాయిపల్లవిని అనుకున్నారట. అయితే ఆమె నో చెప్పడంతో త్రిషను రంగంలోకి దించారు అని చెబుతున్నారు.
వరుసగా సినిమాలు చేస్తూ వచ్చిన సాయిపల్లవి.. ఇటీవల కాస్త గ్యాప్‌ ఇచ్చింది. వచ్చింది వచ్చినట్లు చేసేయడం, పెద్ద హీరోల సినిమాలు కదా అని ఒప్పేసుకోవడం లాంటివి చేయడం లేదు. ఈ క్రమంలోనే విజయ్ ‘లియో’ సినిమాను సాయి పల్లవి తిరస్కరించిందట. దీంతో ఆ సినిమాలోకి త్రిష వచ్చిందని చెబుతున్నారు. ‘వారసుడు’ సినిమా తర్వాత విజయ్ నుండి వస్తున్న చిత్రమిది. ‘వారసుడు’ / ‘వరిసు’ సినిమా విషయంఓ నిర్మాత లెక్కలు ఎలా ఉన్నా.. బాక్సాఫీసు దగ్గర సరైన వసూళ్లు లేవు అని చెబుతారు.
దీంతో ‘లియో’ సినిమా విషయంలో అభిమానులు ఆసక్తిగా ఎదురుచూస్తున్నారు. ఇప్పటికే విడుదలైన సినిమా టీజర్‌ విషయంలో కాస్త డిఫరెంట్‌ రెస్పాన్స్‌ వచ్చినా.. సినిమా మీద మాత్రం హైప్‌ పెరిగింది అంటున్నారు. ఎందుకంటే అక్కడ విజయ్ – లోకేశ్‌ కాంబో మీద ఉన్న నమ్మకం అలాంటిది. మరి ఇద్దరూ కలసి ఏం చేస్తారో చూడాలి.
రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!
2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్
