యంగ్ టైగర్ జూనియర్ ఎన్టీఆర్ కొరటాల శివ కాంబో సినిమాకు సంబంధించి అధికారికంగా ఎలాంటి అప్ డేట్స్ రావడం లేదు. ఈ సినిమాలో హీరోయిన్ కు సంబంధించి పలువురు హీరోయిన్ల పేర్లు వినిపిస్తుండగా ఎవరు ఫైనల్ అవుతారనే ప్రశ్నకు సమాధానం దొరకడం లేదు. అయితే వచ్చే నెల నుంచి ఈ సినిమా రెగ్యులర్ షూటింగ్ జరగనుందని తెలుస్తోంది. కథ ప్రకారం ఈ సినిమాలో కొంతభాగం షూటింగ్ ఈజిప్ట్ లో జరగనుంది.
ఈ సినిమాకు సంబంధించి దాదాపు 40 శాతం షూటింగ్ ఈజిప్ట్ లో జరుగుతుందని సమాచారం. అయితే ఈ విషయం తెలిసి ఎన్టీఆర్ ఫ్యాన్స్ మాత్రం తెగ టెన్షన్ పడుతున్నారు. ఎన్టీఆర్ నటించిన శక్తి సినిమాలోని కొంత భాగం షూటింగ్ ఈజిఫ్ట్ లో జరిగిన సంగతి తెలిసిందే. ఆ సినిమా బాక్సాఫీస్ వద్ద డిజాస్టర్ గా నిచింది. అయితే కొందరు ఫ్యాన్స్ మాత్రం కొరటాల శివ సినిమా కంటే కచ్చితంగా హిట్ అవుతుందని ఫ్యాన్స్ కంగారు పడాల్సిన అవసరం లేదని కామెంట్లు చేస్తున్నారు.
కొరటాల శివ ఒకవైపు ఈ సినిమా స్క్రిప్ట్ పనులు పూర్తి చేస్తూనే మరోవైపు ఈ సినిమాలో నటించే నటీనటులు, టెక్నీషియన్లను ఫైనల్ చేస్తున్నట్టు తెలుస్తోంది. ఈ సినిమాలో హీరోయిన్ గా కియారా అద్వానీ, రష్మిక మందన్నా, అలియా భట్ పేర్లు వినిపిస్తుండగా ఎవరు ఫైనల్ అవుతారో చూడాల్సి ఉంది. భారీ బడ్జెట్ తో ఈ సినిమా తెరకెక్కనుండగా కొరటాల స్నేహితుడు శివ మిక్కిలినేని సుధాకర్, నందమూర్ కళ్యాణ్ రామ్ ఈ సినిమాను నిర్మిస్తున్నారు.
Most Recommended Video
సమంత- నాగచైతన్య మాత్రమే కాదు టాలీవుడ్లో ఇంకా చాలా మంది ఉన్నారు..!
‘రిపబ్లిక్’ మూవీలో గూజ్ బంప్స్ తెప్పించే డైలాగులు ఇవే..!
టాలీవుడ్ స్టార్ హీరోల ఇష్టమైన కార్లు..వాటి ధరలు
