Salaar: ‘సలార్‌ 2’ షూటింగ్‌ ప్లాన్ ఇదే… ఎవరెప్పుడు వస్తారంటే?

‘సలార్‌: ది సీజ్‌ ఫైర్‌’ (Salaar) సాధించిన విజయం, ఆ సినిమాలో సీన్లు, డీటెయిల్డ్‌ అనాలసిస్‌లు చూశాక ‘సలార్‌: శౌర్యాంగ పర్వం’ ఎప్పుడు వస్తుందా అని ప్రేక్షకులు ఎదురు చూస్తున్నారు. అయితే అభిమానులు మాత్రం అసలు సినిమా షూటింగ్‌ ఎప్పుడు మొదలవుతుంది అని అడుగుతున్నారు. ఎందుకంటే ఆ సినిమా వచ్చిన ఇన్ని రోజులైనా ఇంకా షూటింగ్‌ గురించి ఎలాంటి అప్‌డేట్‌ లేదు. దీంతో ‘సలార్‌’ షూటింగ్‌ అప్‌డేట్‌ ఎప్పుడు నీల్‌ (Prashanth Neel) మామా అని అడుగుతున్నారు.

ఈ క్రమంలో సినిమా టీమ్‌ నుండి ఎలాంటి అప్‌డేట్‌ లేదు కానీ… సినిమాలో కీలక పాత్రల్లో నటించిన నటుల నుండి కాస్త సమాచారం వస్తోంది. వాటి ప్రకారం చూసుకుంటే తొలి పార్టుకు మించి ఉండేలా రెండో పార్టును ప్లాన్‌ చేస్తున్నారు అని తేలింది. ఏప్రిల్ నుండి షూటింగ్ మొదలవుతుందని బాబీ సింహా (Bobby Simha) ఇప్పటికే చెప్పారు. అయితే టీమ్‌ వైపు నుండి ఎలాంటి స్పందనా లేదు. ఇప్పుడు వరదరాజ మన్నార్ అలియాస్‌ (Prithviraj Sukumaran) పృథ్వీరాజ్ కూడా అదే చెప్పాడు.

అతి త్వరలోనే షూటింగ్‌ స్టార్ట్ అవుతుందని చెప్పిన ఆయ… తొలుత తన మీదే ఓ యాక్షన్ ఎపిసోడ్ షూట్ చేస్తారని చెప్పారు. ఈ స్పెషల్ ఎపిసోడ్ లోనే వరదరాజ మన్నార్ పాత్ర గ్రాఫ్ మొత్తంగా చూపించే ప్రయత్నం జరుగుతోందట. అంటే సన్నివేశాల్లో వరదరాజ మన్నార్‌ స్నేహితుడి నుండి విలన్‌ ఎలా అయ్యాడు అనేది తెలిసిపోతుంది అన్నమాట. ఈ ఎపిసోడ్ తర్వాత బాబీ సింహా, శ్రియా రెడ్డి (Sriya Reddy) , జగపతిబాబు (Jagapathi Babu) పై సీన్స్ షూట్ చేస్తారట.

ఆ తర్వాత మూడో షెడ్యూల్‌లో ప్రభాస్‌ (Prabhas) ఎంట్రీ ఉంటుందట. అన్నట్లు నిర్మాత విజయ్‌ కిరగందూర్‌ (Vijay Kiragandur) కూడా ‘ఏప్రిల్ తర్వాత నుండి సినిమా పార్ట్ 2ని ఉంటుందని చెప్పారు. అలాగే 2025లో రిలీజ్‌ చేస్తామని కూడా తెలిపారు. అయితే సినిమా షూటింగ్‌ మొదలైతే కానీ అసలు విషయం చెప్పలేం. అన్నీ అనుకున్నట్లుగా సాగి సినిమా షూటింగ్‌ త్వరగా మొదలవ్వాలని ఆశిద్దాం.

‘గామి’ తప్పకుండా చూడడానికి గల 10 కారణాలు!

స్టార్‌ హీరో అజిత్‌ హెల్త్‌ అప్‌డేట్‌ వచ్చేసింది… ఎలా ఉందంటే?
ఆ యూట్యూబ్ ఛానెల్స్ పై శరణ్య ప్రదీప్ ఫైర్.. ఏం జరిగిందంటే?