రాజమౌళి పిలిచి అవకాశమిస్తే నేనెందుకు వదులుకొంటాను

ఈమధ్యకాలంలో సమంతను సోషల్ మీడియా సాఫ్ట్ టార్గెట్ గా చూజ్ చేసుకొందో లేక ఆమెపై ఎలాంటి వార్త రాసినా పర్లేదు అని గాసిప్పు రాయుళ్ళు ఫిక్స్ అయ్యారో తెలియదు కానీ.. ఈమధ్యకాలంలో సమంత పేరు వచ్చినన్ని గాసిప్పులు, ఫేక్ న్యూస్ ఏ ఇతర హీరోయిన్ మీదా కూడా రాలేదు. పాపం సమంత మాత్రం సైలెంట్ గా తన ట్విట్టర్ ద్వారా తనపై వచ్చిన గాలివార్తలకు రెస్పాండ్ అవుతూ వస్తోంది. తాజాగా ఆమెపై వచ్చిన గాసిప్ ఏమిటంటే.. రాజమౌళి “బాహుబలి” అనంతరం ప్రతిష్టాత్మకంగా తెరకెక్కిస్తున్న “#RRR” సినిమాలో సమంతకు హీరోయిన్ రోల్ ఆఫర్ చేయగా ఆమె తిరస్కరించిందని, దాంతో ఆమె స్థానంలో పూజా హెగ్డేను తీసుకొన్నారనే వార్తలు హల్ చల్ చేశాయి.

ఈ వార్తలపై స్పందించిన సమంత.. “నేనేమిటి రాజమౌళి ఆఫర్ ను కాదనడమేమిటి?, ఆయన ఆఫర్ ఇవ్వాలే కానీ కళ్ళకద్దుకొని మరీ తీసుకొనేదాన్ని” అంటూ సమాధానమిచ్చింది. పాపం ఏదో తన సినిమాలు తను చేసుకొంటూ, భర్త నాగచైతన్యతో సంతోషంగా జీవితం సాగిస్తున్న సమంతపై ఈ ఫేక్ న్యూస్ లు పుట్టగొడుగుల్లా పుట్టుకురావడం ఏంటో.. వాటన్నిటికీ సమంత ఓపిగ్గా సమాధానాలు చెప్పడం ఏంటో విచిత్రంగా.