ఆ పాత్రలో నటించాలని చిన్నప్పుడే అనుకున్నా : సమంత

స్టార్ హీరోయిన్ సమంత జాను సినిమా తరువాత శాకుంతలం సినిమాలో నటిస్తుండగా నిన్న ఈ సినిమా పూజా కార్యక్రమం జరిగింది. సమంత మెయిన్ రోల్ లో శకుంతల దుశ్యంతుడి ప్రేమ కావ్యంగా ఈ సినిమా తెరకెక్కుతోంది. పూజా కార్యక్రమం తరువాత సమంత మాట్లాడుతూ సినిమాల్లో హీరోయిన్ గా ఎంట్రీ ఇచ్చిన తరువాత తాను ఇప్పటివరకు 50 సినిమాలలో నటించానని అన్నారు. సినిమాల్లో ఎన్నో విభిన్నమైన పాత్రల్లో తాను నటించానని.. పదేళ్ల కెరీర్ లో హీరోయిన్ పాత్రలతో పాటు నెగిటివ్ షేడ్స్ ఉన్న పాత్రల్లోనూ నటించానని సమంత తెలిపారు.

అయితే చాలా పాత్రల్లో నటించినప్పటికీ రాకుమార్తె పాత్రలో నటించాలనే కోరిక తనకు బాల్యం నుంచి ఉండేదని రాకుమార్తె పాత్ర తనకు డ్రీమ్ రోల్ అని ఆమె అన్నారు. ఇప్పటివరకు చాలా సినిమాల్లో నటించినా రాకుమార్తె పాత్ర మాత్రం రాలేదని తెలిపారు. దర్శకుడు గుణశేఖర్ వల్ల తన కోరిక నెరవేరిందని సమంత అన్నారు. శాకుంతలం మూవీ రూపంలో తనకు అతిపెద్ద గిఫ్ట్ అందిందని ఆమె తెలిపారు. శాకుంతలం లాంటి అద్భుతమైన సినిమాలో భాగమైనందుకు తనకు ఎంతో సంతోషంగా ఉందని ఆమె వెల్లడించారు.

గుణశేఖర్ కూతురు శాకుంతలం సినిమాకు నిర్మాతగా వ్యవహరిస్తుండగా నిర్మాతగా ఆమెకు ఇదే తొలి సినిమా కావడం గమనార్హం. మలయాళ నటుడు దేవ్ మోహన్ ఈ మూవీతో నటుడిగా టాలీవుడ్ కు పరిచయం కానున్నాడు. వచ్చే ఏడాది విడుదల కాబోతున్న ఈ సినిమాపై భారీగా అంచనాలు నెలకొన్నాయి. పూజా కార్యక్రమంలో సమంత దిగిన ఫోటోలు నెట్టింట తెగ వైరల్ అవుతున్నాయి.

Most Recommended Video

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!