వ్యక్తిగత జీవితంలో ఎవరికైనా సమస్యలు సహజం. కానీ వాటిని వృత్తి జీవితానికి అన్వయించకుండా గడప దగ్గరే వదిలేసే వారు అతి తక్కువ మంది వుంటారు. వీరిలో ఒకరు సమంత. ప్రతి ఒక్కరి జీవితంలో వివాహానికి ఎంతో ప్రాధాన్యత వుంది. అలాంటి వైవాహిక జీవితంలో ఒడిదుడుకులు వచ్చి.. ఎంతో ఇష్టపడి పెళ్లాడిన వ్యక్తి నుంచి విడాకులు తీసుకుంటే ఆ బాధ మాటల్లో చెప్పలేం. ఇటీవల నాగచైతన్య నుంచి ఆమె విడాకులు తీసుకున్న సంగతి తెలిసిందే.
దీంతో తెలుగు చిత్ర పరిశ్రమ వర్గాలు ఉలిక్కిపడ్డాయి. ఇంకా ఈ వ్యవహారంపై మీడియాలో డిబేట్లు, సినీ ప్రముఖుల కామెంట్స్ జరుగుతూనే వున్నాయి. ఇంతటి బాధలోనూ సమంత తన వృత్తి పట్ల విధేయత చూపారు. హీరోయిన్‌గా కంటిన్యూ అవుతూనే సమంత త్వరలో యంగ్ టైగర్ ఎన్టీఆర్ హోస్ట్‌గా చేస్తున్న ఎవరు మీలో కోటీశ్వ‌రులు ప్రోగ్రామ్‌కు రానుందని వార్తలు ఫిలింనగర్ సర్కిల్స్‌లో వినిపిస్తున్నాయి. ప్ర‌స్తుతం ఈ ప్ర‌త్యేక‌మైన ఎపిసోడ్ షూటింగ్‌ దశలో వుందని సమాచారం..
సమంత పాల్గొనే ఈ స్పెష‌ల్ ఎపిసోడ్ ఈ నెల చివ‌ర‌లో కానీ.. వ‌చ్చే నెల ప్రారంభంలో కాని ప్రసారమయ్యే అవకాశం ఉందంటున్నారు. ఈ కార్యక్రమంలో పాల్గొనడం ద్వారా సమంత తన మనసులోని బాధను కొంతైనా మరిచిపోతారని అభిమానులు భావిస్తున్నారు.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
