ప్రతి ఒక్కరికీ గోల్స్ మంచి ఉత్సాహాన్ని ఇస్తాయి. అనుకున్న పనిని విజయవంతంగా పూర్తి చేస్తే అప్పుడు వచ్చే ఆనందం అంత ఇంతాకాదు. అలాంటి ఎన్నో గోల్స్ ను సాధించిన సమంత.. తాజాగా వెడ్డింగ్ గోల్స్ పెట్టుకుంది. తాను ప్రేమించిన నాగచైతన్యతో ఏడడుగులు వేసే సమయం ఆసన్నమైంది. అక్టోబర్ లో పెళ్లి పీటలు ఎక్కనుంది. మరో నాలుగు నెలల్లో అక్కినేని ఇంటి కోడలుగా అడుగుపెట్టబోతోంది. అప్పటి లోపున సైన్ చేసిన సినిమాలన్నింటిని పూర్తి చేయాలనీ గోల్ పెట్టుకుంది. ప్రస్తుతం సమంత తెలుగులో రామ్ చరణ్ సరసన నటిస్తోంది. సుకుమార్ దర్శకత్వంలో తెరకెక్కుతున్న ఈ మూవీ రెండో షెడ్యూల్ దశలో ఉంది. ఇక రాజుగారి గది-2 లో కీలక రోల్ పోషిస్తోంది.
మరో గొప్ప ప్రాజక్ట్ మహానటి కోసం కూడా డేట్స్ కేటాయించింది. ఇది ఇంకా సెట్స్ మీదకు వెళ్ళలేదు. దీంతోపాటు తమిళంలో విజయ్ హీరోగా నటించే 61, ఇరుంబు తిరాయ్, అనేతి కథైగల్ సినిమాల్లో సమంత కథానాయికగా నటిస్తోంది. ఈ సినిమాలన్నీసెట్స్ పై ఉన్నాయి. ఈ నాలుగు నెలల్లో విశ్రాంతి తీసుకోకుండా పెళ్లి ముహూర్తానికి పది రోజుల ముందే ఆరు సినిమాలను పూర్తిచేయాలని ఫిక్స్ అయింది. అందుకు తగ్గట్టుగా ఆమె పాల్గొనే సన్నివేశాలను ముందుగా కంప్లీట్ చేసే యోచనలో దర్శకులు ఉన్నారు.
Also, do SUBSCRIBE to our YouTube channel to get latest Tollywood updates.
