Samantha: చైతన్య, అఖిల్ సినిమాలకి పోటీగా సమంత సినిమా..!

తన భర్త మరియు మరిదితో పోటీ పడడానికి సమంత సిద్ధమైంది. అవును.. సమంత నటిస్తున్న ‘యశోద’ చిత్రం షూటింగ్ చాలా వరకు కంప్లీట్ అయ్యింది. అందుకే రిలీజ్ డేట్ ను కూడా అనౌన్స్ చేశారు నిర్మాతలు. ఆగస్టు 12న ‘యశోద’ చిత్రం విడుదల కాబోతుందని అధికారికంగా ప్రకటించారు.ఇది పాన్ ఇండియా మూవీ కావడంతో తెలుగుతో పాటు తమిళ, హిందీ భాషల్లో ఏక కాలంలో విడుదల కాబోతుంది.హరి శంకర్ మరియు హరీష్ నారాయణ్ ఈ చిత్రానికి దర్శకులు.

‘శ్రీదేవి మూవీస్’ బ్యానర్ పై శివలెంక కృష్ణ ప్రసాద్ ఈ చిత్రానికి నిర్మాత. అయితే అఖిల్ -సురేందర్ రెడ్డి కాంబినేషన్లో తెరకెక్కుతున్న హై బడ్జెట్ స్టైలిష్ అండ్ యాక్షన్ థ్రిల్లర్ ‘ఏజెంట్’ కూడా ఆగష్ట్ 12నే విడుదల కాబోతుంది. మలయాళ మెగాస్టార్ మమ్ముట్టి కూడా ఈ చిత్రంలో కీలక పాత్ర పోషిస్తుండగా.. ‘ఎకె ఎంటర్టైన్మెంట్స్’ బ్యానర్ పై అనిల్ సుంకర ఈ చిత్రాన్ని నిర్మిస్తున్నారు. ఆగస్టు 12నే ఈ చిత్రం కూడా విడుదల కాబోతుంది.

స్పై థ్రిల్లర్‌గా తెరకెక్కుతున్న ఈ మూవీలో అఖిల్ సరసన సాక్షి వైద్య హీరోయిన్ గా నటిస్తుంది.అంతేకాదు ఈ రెండు చిత్రాల కంటే ఒక్క రోజు ముందు అంటే ఆగష్ట్ 11న నాగ చైతన్య హిందీ డెబ్యూ మూవీ ‘లాల్ సింగ్ చద్దా’ కూడా రిలీజ్ కానుంది. ఆమిర్ ఖాన్ ప్రధాన పాత్ర పోషిస్తున్న ఈ చిత్రాన్ని నాగ చైతన్య కోసం అతని పాత్ర నిడివి పెంచి తెలుగులో కూడా విడుదల చేయబోతున్నారు. కేవలం తెలుగు వెర్షన్ కోసమే చైతన్య రోల్ ను పెంచుతున్నారనేది ఇన్సైడ్ టాక్.

కాబట్టి నాగ చైతన్య- అఖిల్- సమంత ల మధ్య భారీ పోటీ నెలకొంటుంది అనడంలో సందేహం లేదు. మరి ఈ ముగ్గురిలో విన్నర్ ఎవరవుతారో. గతంలో ‘యూటర్న్’ ‘శైలజారెడ్డి అల్లుడు’ చిత్రాలతో చైతన్య, సమంత లు పోటీ పడ్డారు. ఓపెనింగ్స్ విషయంలో చైతన్య సినిమా విన్నర్ అయితే… ఫుల్ రన్లో సమంత ‘యూటర్న్’ కమర్షియల్ సక్సెస్ ను అందుకుంది.

ఆర్ఆర్ఆర్ సినిమా రివ్యూ & రేటింగ్!

Most Recommended Video

‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?