సౌత్ స్టార్ బ్యూటీ సమంత త్వరలోనే బాలీవుడ్ ఎంట్రీ ఇవ్వనుందా? అంటే అవుననే వార్తలు బలంగా వినిపిస్తున్నాయి. కెరీర్ లో వరుస ప్లాప్స్ తో కాస్త డల్ గా ఉన్న సమంత.. రీసెంట్ గా ఖుషి సినిమాతో మంచి విజయాన్ని అందుకుంది. విజయ్ దేవరకొండ హీరోగా వచ్చిన ఈ సినిమా.. ప్రేక్షకులను బాగానే ఆకట్టుకుంది. హిందీ చిత్రసీమని ఆకర్షించడంలో ముందున్నారు దక్షిణాది కథానాయికలు. అక్కడే ఒకరిని మించి మరొకరు స్టార్ భామలు ఉన్నప్పటికీ…
దక్షిణాది కథానాయికలు తరచూ అదిరిపోయే అవకాశాల్ని సొంతం చేసుకొంటున్నారు. ఇటీవలే ‘జవాన్’తో మెరిసింది నయనతార. రష్మిక అక్కడ అవకాశాల్ని సొంతం చేసుకొంటూనే ఉంది. తాజాగా సమంత విషయంలోనూ బాలీవుడ్‌లో జోరుగా చర్చ జరుగుతోంది. ఆమె బాలీవుడ్ లో ఫుల్ లెంత్ హీరోయిన్ గా ఎంట్రీ ఇవ్వనుంది అనే వార్తలు వినిపిస్తున్నాయి. అదికూడా బాలీవుడ్ కండల వీరుడు సల్మాన్ ఖాన్ కు జోడీగా. పవన్ కళ్యాణ్ తో పంజా సినిమాను తెరకెక్కించిన స్టైలీష్ డైరెక్టర్ విష్ణువర్ధన్ తో..
బాలీవుడ్ స్టార్ ప్రొడ్యూసర్ కరణ్ జోహార్ ఓ భారీ సినిమాను ప్లాన్ చేస్తున్న సంగతి తెలిసిందే. ఈ ప్రెస్టీజియస్ ప్రాజెక్టులో సల్మాన్ కు జోడీగా సమంతను తీసుకోవాలని ప్లాన్ చేస్తున్నాడట నిర్మాత కరణ్ జోహార్. ఇటీవలే జవాన్ సినిమాలో షారుఖ్ జోడీగా సౌత్ బ్యూటీ నయనతార నటించిన విషయం తెలిసిందే. ఈ సినిమా బాక్సాఫీస్ దగ్గర భారీ విజయం సాధించింది. ఈ సెంటిమెంట్ ను ఫాలో అవుతూ.. కరణ్ జోహార్ సల్మాన్ ఖాన్ పక్కన సౌత్ హీరోయిన్ ను పెట్టాలని నిర్ణయించుకున్నాడట.
అందుకే ఈ సినిమా కోసం సమంతను (Samantha) తీసుకోవాలని అనుకుంటున్నారట. మరి జవాన్ సెంటిమెంట్ కరణ్ అండ్ సల్మాన్ కంబోకు వర్కౌట్ అవుతుందా అనేది చూడాలి. అయితే ఈ విషయంపై అధికారిక ప్రకటన రావాల్సి ఉంది.
మార్క్ ఆంటోనీ సినిమా రివ్యూ & రేటింగ్!
ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!
