శ్రమకి తోడు అదృష్టం కలిస్తే ఎలా ఉంటుందో సమంత పరిస్థితి అలాగే ఉంది. గట్టి పోటీ ఉన్న సమయంలో నటిగా అడుగుపెట్టిన ఈ బ్యూటీ వరుసవిజయాలతో టాప్ హీరోయిన్ జాబితాలో స్థానం సంపాదించుకుంది. రీసెంట్ గా ఆమె పల్లెటూరి యువతిగా నటించిన రంగస్థలం ఘనవిజయం సాధించింది. రామ్ చరణ్ హీరోగా నటించిన ఇందులో రామలక్ష్మిగా మెప్పించింది. ఈ పేరు చెప్పగానే కొన్నేళ్లపాటు సమంతానే గుర్తుకు వస్తుంది అని చెప్పడంలో అతిశయోక్తి లేదు. 1980 కాలం నాటి పల్లెటూరి అమ్మాయిగా బాగా నటించింది. ఆ పాత్ర కోసం పడిన కష్టం గుర్తొచ్చి మరోసారి ఆ పాత్ర చేయను అని ఇంటర్వ్యూ లో చెప్పిన ఈ భామ మాట తప్పుతోంది.
మళ్ళీ ఇలాంటి ఛాలెంజింగ్ రోల్ చేస్తోంది. తమిళంలో విజయ్ సేతుపతి సీమ రాజా అనే చిత్రం చేస్తున్నారు. ఇందులో హీరోయిన్ గా సమంత నటిస్తోంది. ఇది అందంతో ఆకర్షించే క్యారక్టర్ కాదు. అత్యంత క్లిష్టమైన పాత్ర. ఇందుకోసం సిలాంబం అనే మార్షల్ ఆర్ట్ ను కూడా సమంత నేర్చుకుంది. ప్రస్తుతం కేరళలో ఈ సినిమా షూటింగ్ వేగంగా సాగుతోంది. ఈ సినిమాతో తమిళ ప్రేక్షకుల మతి పోగొట్టడం ఖాయమని సినీ యూనిట్ సభ్యులు చెబుతున్నారు. ఇది వరకు ఏ సినిమాలో సమంత చేయని సాహసాలు ఇందులో చేసిందని వెల్లడించారు. ఆమె మీద ఉన్న నమ్మకంతోనే దీనిని తెలుగులోనూ రిలీజ్ చేయాలనీ భావిస్తున్నారు.
Home
