నాగార్జున, సమంత ల విషయంలో ఆ వార్తలు నిజమేనా?

అక్కినేని నాగార్జున ఇప్పటికీ టాలీవుడ్లో సక్సెస్ ఫుల్ హీరోగానే రాణిస్తున్నాడు. ఇక ఆయన కోడలు సమంత కూడా లేడీ సూపర్ స్టార్ రేంజ్లో రాణిస్తుంది. వీరిద్దరి మధ్య బిగ్ ఫైట్ అంటూ గత రెండు,మూడు రోజుల నుండీ తెగ వార్తలు వస్తున్నాయి.అందుకు కారణం ‘బిగ్ బాస్4’ అని తెలుస్తుంది. తెలుగులో కూడా బిగ్ బాస్ కు మంచి ఆదరణ పెరిగింది. ఇప్పటికే 3 సీజన్లు ముగిసాయి. త్వరలో 4వ సీజన్ కూడా మొదలుకానుంది. దీంతో ఈ సీజన్ ను ఎవరు హోస్ట్ చేస్తారా? అని .. చాలా రోజుల నుండీ డిస్కషన్లు జరుగుతున్నాయి.

మొదట్లో మహేష్ బాబు, ఎన్టీఆర్ అంటూ ప్రచారం జరిగింది. కానీ ఆ ప్రచారంలో నిజం లేదు.. సీజన్ 4 ను కూడా నాగార్జునే హోస్ట్ చేస్తారు అంటూ వార్తలు వచ్చాయి. ఇదిలా ఉంటే.. తాజాగా ‘బిగ్ బాస్ 4’ ను సమంత హోస్ట్ చేస్తుంది అంటూ వార్తలు వస్తున్నాయి. సమంత స్టార్ హీరోయిన్ ఆమె క్రేజ్ పీక్స్.. ఒప్పుకుని తీరాల్సిందే. కానీ బిగ్ బాస్ హోస్ట్ చేసేంత తెలుగు అయితే ఆమెకు రాదు. అసలే ‘బిగ్ బాస్’ ఎక్కువగా తెలుగులోనే మాట్లాడాలి అంటూ ఆర్డర్లు వేస్తుంటాడు. సరే అది హౌస్ లో ఉన్నవాళ్లకు మాత్రమే..

స్టేజి మీద ఉన్న వాళ్లకు కాదు.. అనే లాజిక్ లు అన్నీ పక్కన పెట్టేసి.. నిజంగా సమంతే హోస్ట్ చేస్తుంది అంటే.. అది ఒక సెన్సేషనే..! ఎందుకంటే మొదటి సారి ‘బిగ్ బాస్’ రియాలిటీ షో హోస్ట్ చేసిన లేడీగా సమంత చరిత్ర సృష్టించినట్టే..! కానీ ఈ వార్తలు నిజమేనా..? అని సమంత సన్నిహిత వర్గాల వారినే అడిగితే.. వారు సింపుల్ గా ఈ వార్తల్లో నిజం లేదు అని తేల్చిపడేసారు. మరోపక్క నాగార్జున కూడా సీజన్ 4 ను హోస్ట్ చెయ్యడానికి రెడీ అవుతున్నట్టు తెలుస్తుంది. మరి అధికారిక ప్రకటన వచ్చే వరకూ హోస్ట్ విషయంలో ఇంకెన్ని వార్తలు వస్తాయో చూడాలి.

Most Recommended Video

కృష్ణ అండ్ హిజ్ లీల సినిమా రివ్యూ & రేటింగ్
పెంగ్విన్ సినిమా రివ్యూ & రేటింగ్!
టాలీవుడ్ లో అత్యధిక నష్టాలు మిగిల్చిన పది చిత్రాలు ఇవే