టాలీవుడ్ క్యూట్ బ్యూటీ సమంత మనసుకూడా అందమైనదని మరోసారి నిరూపించుకుంది. సినిమాల్లో అడుగుపెట్టిన ఏడాది నుంచే సేవ కార్యక్రమాల్లో చురుకుగా సమంత పాల్గొంటోంది. ప్రత్యూష ఫౌండేషన్ కి అండగా ఉంటూ ఎంతో మంది పిల్లల ప్రాణాలను కాపాడింది. అంతేకాదు తెలుగు రాష్ట్రాల్లోని నేత కార్మికుల కష్టాలకు చలించిన ఆమె నేత వస్త్రాల ప్రచారకర్తగా చేస్తోంది. నిన్న ఆమె పుట్టినరోజు సందర్భంగా స్నేహితులతో కలిసి ఫైవ్ స్టార్ హోటల్లోనే పార్టీలో మునిగి తేలకుండా, చిన్నారులతో కలిసి బాహుబలి కంక్లూజన్ మూవీ చూసింది.
ఈ ఒక్క సంఘటన చాలు సమంత లవ్లీ హార్ట్ లేడీ అని చెప్పడానికి. త్వరలో అక్కినేని పెద్దకోడలుగా మారబోతున్న సమంత ప్రస్తుతం రామ్ చరణ్ మూవీలో హీరోయిన్ గా నటిస్తోంది. అంతేకాకుండా రాజుగారి గది 2 మూవీలో కీలకరోల్ పోషిస్తోంది. ఇలా వ్యక్తిగత, వృత్తి పరమైన పనులతో నిత్యం బిజీగా ఉన్నప్పటికీ అనాథ పిల్లల కోసం కొంత సమయాన్ని కేటాయిస్తూ అందరితో శెభాష్ అనిపించుకుంటోంది.
Also, do SUBSCRIBE to our YouTube channel to get latest Tollywood updates.
