చిరు, పవన్ సినిమాలకు ఒకే రకమైన సమస్య?

March 18, 2020 / 07:22 PM ISTByFilmy Focus

Join Us

మెగాస్టార్ చిరంజీవి ప్రస్తుతం కొరటాల శివ డైరెక్షన్లో ‘ఆచార్య’ అనే చిత్రం చేస్తున్నాడు. ఈ చిత్రం మొదలైనప్పటి నుండీ ఏదో ఒక సమస్య తలెత్తుతూనే ఉంది. ముఖ్యంగా హీరోయిన్ విషయంలో ఈ సమస్యకు పరిష్కారం దొరక్క టీం మొత్తం అయోమయంలో పడ్డారట. ముందుగా త్రిష ను హీరోయిన్ అనుకున్నారు. అలా అని ఆమెనే ఫైనల్ చేసినట్టు ప్రకటించలేదు. కానీ క్రియేటివ్ డిఫరెన్సెస్ వల్ల ఈ ప్రాజెక్ట్ నుండీ తప్పుకుంటున్నట్టు.. ట్వీట్ చేసి పడేసింది. ఆమె తప్పుకోవడంతో ఇప్పుడు ఏ హీరోయిన్ ను ఫైనల్ చెయ్యాలా అని టీం ఆలోచనలో పడ్డారు. కాజల్, అనుష్క పేర్లు వినిపిస్తున్నాయి. వీళ్ళు తప్ప మరో ఛాయిస్ దొరకడం లేదు. వేరే ఎవ్వర్ని తీసుకుందాం అనుకున్నా.. చిరు ఏజ్ కి తగ్గట్టుగా సెట్ అవుతారా లేదా అన్నది మరో ప్రశ్న..!

Same Problem For Both Mega Brothers Chiranjeevi and Pawan Kalyan1

ఇక పవన్ కళ్యాణ్ కు కూడా ఇదే సమస్య తలెత్తింది. ఆయన నటిస్తున్న ‘వకీల్ సాబ్’ చిత్రంలో ఫ్లాష్ బ్యాక్ ఎపిసోడ్ కు ఓ హీరోయిన్ కావాలంట. ఈ పాత్రకి శృతీ హాసన్ అనుకున్నారు కానీ.. వర్కౌట్ కాలేదని తెలుస్తుంది. ఇప్పుడు లావణ్య త్రిపాఠి పేరు వినిపిస్తుంది. అయితే ఆమె పవన్ రేంజ్ హీరోయిన్ కాదు.. కానీ ఆ పాత్రకి అంతకు మించి అవసరం లేదనేది కన్విన్స్ అయ్యే అంశం. ఇది పక్కన పెట్టినా.. పవన్- క్రిష్ కాంబినేషన్లో తెరకెక్కుతోన్న సినిమాకి కూడా ఇదే సమస్య వచ్చి పడింది. ఈ చిత్రంలో హీరోయిన్ గా ప్రగ్య జైస్వాల్ ను అనుకున్నారట. కానీ ఈమె కూడా పవన్ రేంజ్ హీరోయిన్ కాదు.. పైగా పాన్ ఇండియా రేంజ్లో ప్లాన్ చేస్తున్నారు కాబట్టి.. బాలీవుడ్ హీరోయిన్ అయితే బెటర్ అని ఆ దిశగా ప్రయత్నాలు చేస్తున్నా.. ఫలించడం లేదని తెలుస్తుంది. ఏమైనా మెగా బ్రదర్స్ ఇద్దరికీ ఒకే సమస్య వచ్చి పడినట్టు స్పష్టమవుతుంది.