సీనియర్ హీరో శివాజీ ‘బిగ్ బాస్ 7’ తో సెకండ్ ఇన్నింగ్స్ స్టార్ట్ చేసిన సంగతి తెలిసిందే. తర్వాత ’90’s – ఏ మిడిల్ క్లాస్ బయోపిక్'(సిరీస్) అతనికి మరింత మంచి పేరు తీసుకొచ్చింది.అటు తర్వాత ‘కోర్ట్’ తో మళ్ళీ పెద్ద స్టార్ అయిపోయాడు.
‘దండోరా’ పెద్దగా ఆడకపోయినా.. ఆ సినిమా కంటెంట్ కి, శివాజీ నటనకి మంచి మార్కులే పడ్డాయి. ఇక ఇప్పుడు ‘సాంప్రదాయిని సుప్పిని సుద్దపూసని'(Sampradayini Suppini Suddapoosani) అంటూ ప్రేక్షకుల ముందుకు రాబోతున్నారు.
లయ ఇందులో శివాజీకి జోడీగా నటించింది. గతంలో వీరి కాంబినేషన్లో వచ్చిన ‘టాటా బిర్లా మధ్యలో లైలా’ ‘మిస్సమ్మ’ ‘అదిరందయ్యా చంద్రం’ వంటి సినిమాలు అన్నీ సూపర్ హిట్లు అయ్యాయి. కాబట్టి ఈ కాంబోలో రూపొందిన ‘సాంప్రదాయిని సుప్పిని సుద్దపూసని’ పై ఆడియన్స్ దృష్టి పడింది. వంశీ నందిపాటి ఈ చిత్రాన్ని తెలుగు రాష్ట్రాల్లో రిలీజ్ చేస్తున్నారు.
ఈటీవీ విన్ వారితో వంశీ నందిపాటి ట్రాక్ రికార్డ్ కూడా బాగుంది. అందుకే ‘సాంప్రదాయిని సుప్పిని సుద్దపూసని’కి మొదటి నుండి మంచి బజ్ ఏర్పడింది. అయితే మొదటి రోజు సినిమాకి మిక్స్డ్ టాక్ వచ్చింది. అయినప్పటికీ ఓపెనింగ్స్ పర్వాలేదు అనిపించాయి. ఒకసారి ఫస్ట్ డే కలెక్షన్స్ ను గమనిస్తే :
| నైజాం | 0.32 cr |
| సీడెడ్ | 0.08 cr |
| ఆంధ్ర(టోటల్) | 0.20 cr |
| ఏపీ + తెలంగాణ(టోటల్) | 0.60 cr |
| రెస్ట్ ఆఫ్ ఇండియా | 0.04 cr |
| ఓవర్సీస్ | 0.05 cr |
| వరల్డ్ వైడ్(టోటల్) | 0.69 cr |
‘సాంప్రదాయిని సుప్పిని సుద్దపూసని’ చిత్రానికి రూ.3.05 కోట్ల ధియేట్రికల్ బిజినెస్ జరిగింది. ఈ సినిమా బ్రేక్ ఈవెన్ కోసం రూ.3.5 కోట్ల వరకు షేర్ ను రాబట్టాల్సి ఉంది. మొదటి రోజు ఈ సినిమా రూ.0.69 కోట్లు షేర్ ను రాబట్టింది. టికెట్ రేట్లు తక్కువగా పెట్టడం కొంత అడ్వాంటేజ్ అయ్యింది అని చెప్పాలి. అయితే బ్రేక్ ఈవెన్ కి మరో రూ.2.81 కోట్ల షేర్ ను రాబట్టాల్సి ఉంది.
