Sampradayini Suppini Suddapoosani Review in Telugu: సాంప్రదాయిని సుప్పిని సుద్దపూసని సినిమా రివ్యూ & రేటింగ్!

ఆ క్రమంలో అనుకోని విధంగా విక్రమ్ వెతుక్కుంటూ శ్రీరామ్ ఇంటికి రావడం, అక్కడ అనుకోని సంఘటన చోటు చేసుకోవడం, దాంతో శ్రీరామ్ & ఫ్యామిలీ చిక్కుల్లో పడతారు.

అసలు శ్రీరామ్ ఇంట్లో ఏం జరిగింది? ఎందుకని శ్రీరామ్ & ఫ్యామిలీ ఉన్నపళంగా రోడ్డు ప్రయాణం చేయాల్సి వస్తుంది? ఈ క్రమంలో ఎదుర్కొన్న ఇబ్బందులు ఏమిటి? వాటి నుండి వాళ్ళు ఎలా బయటపడ్డారు? వంటి ప్రశ్నలకి సమాధానమే “సాంప్రదాయిని సుప్పిని సుద్దపూసని” చిత్రం.

నటీనటుల పనితీరు: సినిమాలో కనిపించే నటీనటులందరూ దాదాపుగా సీనియర్లే. నటన పరంగా ఎవ్వరూ తగ్గలేదు. ఎవరి పాత్రకి తగ్గట్లు వారు ఒదిగిపోయారు. శివాజీ-లయ కాంబినేషన్ చాన్నాళ్ల తర్వాత రిపీట్ అవ్వడం చూడబుద్ధిగా ఉంది. వాళ్ల కెమిస్ట్రీ కూడా బాగానే వర్కవుట్ అయ్యింది.

రోహన్ కామెడీ టైమింగ్ కాస్త ఓవర్ డోస్ అయినా.. అక్కడక్కడా నవ్వించగలిగాడు. కొన్ని సన్నివేశాల్లో మాత్రం మరీ ఇంత చిత్రమైన బిహేవియర్ ఎందుకు అనే అనుమానం కలగకమానదు.

ప్రిన్స్ పాత్ర చిన్నదే అయినా.. కావాల్సిన ఇంపాక్ట్ ఇచ్చింది. ధన్ రాజ్ పాత్ర కూడా డీసెంట్ గా ఉంది. అలీ, ఇమ్మాన్యూల్ కామెడీ అక్కడక్కడా వర్కవుట్ అయ్యింది.

సాంకేతికవర్గం పనితీరు: సినిమాటోగ్రఫీ, మ్యూజిక్, ప్రొడక్షన్, ఎడిటింగ్ వంటి డిపార్ట్మెంట్స్ మిడ్ రేంజ్ వర్క్ తో సరిపెట్టుకున్నారు. నిజానికి ఈ తరహా సినిమా కథ కంటే, టెక్నికల్ బ్రిలియన్స్ తో అలరించేందుకు స్కోప్ ఉంటుంది. కానీ.. నిర్మాత శివాజీ ఆ విషయాన్ని పెద్దగా పట్టించుకోలేదు.

దర్శకుడు సుధీర్ శ్రీరామ్ రాసుకున్న కథలో మేటర్ ఉంది. దాన్ని ఇంకాస్త బెటర్ స్క్రీన్ ప్లేతో నడిపించి ఉంటే బాగుండేది అనిపించింది. ముఖ్యంగా లయ ప్రెగ్నెంట్ అయ్యానని హడావుడి చేసే సన్నివేశం, చెక్ పోస్ట్ దగ్గర రోహన్ తింగరోడిలా వ్యవహరించే సీన్, ట్విస్ట్ రివీల్ అయ్యే సందర్భం వంటివి వాటికి ఇంకాస్త బెటర్ ట్రీట్మెంట్ అవసరం. సింగిల్ లైన్ స్టోరీగా ఆసక్తికరంగా ఉన్నప్పటికీ.. సినిమాగా “సాంప్రదాయిని సుప్పిని సుద్దపూసని” పూర్తిస్థాయిలో అలరించలేకపోయిందనే చెప్పాలి.

విశ్లేషణ: ఈ సినిమాకి సగం మైనస్ టైటిల్. కథకి ఏమాత్రం సంబంధం లేని టైటిల్. ఏదో ట్రెండ్ అయ్యింది కదా అని “సాంప్రదాయిని సుప్పిని సుద్దపూసని” అనే టైటిల్ పెట్టేశారు కానీ.. కథని కానీ థీమ్ ని కానీ ఏమాత్రం ఎలివేట్ చేయలేకపోయింది. అలాగే.. టెక్నికాలిటీస్ చాలా వీక్ ఉన్నాయి. 2026లో ప్రేక్షకులు కేవలం కాంబినేషన్ల కోసం, ఓ నాలుగైదు కామెడీ సీన్ల కోసం థియేటర్లకి రావడం లేదు.

ఈ విషయం ప్రతివారం ఏదో ఒక సినిమాతో ప్రూవ్ అవుతూనే ఉంది. అయినా.. మేకర్స్ ఇంకా మిడ్ రేంజ్ సినిమాలతో ప్రేక్షకుల్ని ఆకట్టునేందుకు విఫలయత్నం చేస్తున్నారు. “సాంప్రదాయిని సుప్పిని సుద్దపూసని” కూడా ఆ కేటగిరీలోకే వస్తుంది. శివాజీ నిర్మాతగా, హీరోగా తనకి దొరికిన గోల్డెన్ ఛాన్స్ ని సరిగా వినియోగించుకోలేకపోయాడని చెప్పాలి.

ఫోకస్ పాయింట్: వర్కవుట్ అవ్వని క్రైమ్ కామెడీ!

రేటింగ్: 2/5