Sankrathi 2027: ఇంకెన్ని సినిమాలు అనౌన్స్‌ చేస్తారయ్యా.. అది సంక్రాంతి అనుకుంటున్నారా లేక…

ప్రతి వారం, పది రోజులకు ఒకసారి ‘వచ్చే సంక్రాంతి మామూలుగా ఉండదు’ అంటూ సంక్రాంతి డేట్‌ చెప్పిన సినిమాల గురించి మాట్లాడుకుంటూనే ఉన్నాం. మరి ఈ వారం ఆ అవకాశం ఇచ్చింది ఎవరో తెలుసా.. ఇంకెవరు శ్రీవిష్ణు – రామ్‌ అబ్బరాజు. ఈ కాంబినేషన్‌లో ఇటీవల అనౌన్స్‌ అయిన ‘ఫ్యామిలీ ప్యాక్‌’ సినిమాను పెద్ద పండగకి తీసుకొస్తామని మైత్రీ మూవీ మేకర్స్‌ ప్రకటించేసింది. దీంతో సంక్రాంతి సినిమాల లిస్ట్‌ను అప్‌డేట్‌ చేసే సువర్ణవకాశం మనకు మరోసారి దక్కింది.

Sankrathi 2027

సంక్రాంతి సీజన్‌లో ఎన్ని సినిమాలొచ్చినా.. వసూళ్లు ఉంటాయి. ఆ సినిమాలు కాస్త అటు ఇటు ఉన్నా ఫర్వాలేదు.. జనాలు చూసేస్తారు అనే మాటను పట్టుకుని పొంగల్‌ ఫైట్‌కి రెడీ అవుతున్నారు టాలీవుడ్‌ పెద్దలు. అలా వచ్చే సంక్రాంతి కోసం బరిలో వరుస సినిమాలు డేట్స్‌ చెప్పి మరీ వచ్చేస్తున్నాయి. దీంతో ఇది సంక్రాంతి అనుకుంటున్నారా? లేక సంత అనుకుంటున్నారా? ఇన్నేసి సినిమాలు రెడీ చేస్తున్నారు అనే ప్రశ్న వినిపిస్తోంది. అయితే ఎప్పుడూ ఉండే ఆన్సర్‌ దీనికి వస్తోంది. అదే అప్పుడు చూద్దాం ఎవరొస్తారో? ఎవరు రారో? అని.

* చిరంజీవి – బాబీ కాంబినేషన్‌లో రూపొందుతున్న సినిమా ‘కాకా’. ఈ సినిమాను జనవరి 13న రిలీజ్‌ చేస్తామని టీమ్‌ ఇటీవల ఓ వీడియోతో అనౌన్స్‌ చేసింది.

* శర్వానంద్‌ – శ్రీను వైట్ల కాంబినేషన్‌లో రూపొందుతున్న సినిమా ‘జార్జ్‌ క్రిష్‌’. ఈ సినిమా ఓపెనింగ్‌ రోజే జనవరి 14 అని డేట్‌ చెప్పేశారు.

* చాలా నెలలుగా చిత్రీకరణ జరుపుకుంటున్న సాయి ధరమ్‌ తేజ్‌ సినిమా ‘సంబరాల యేటి గట్టు’ను జనవరి 12న తీసుకొస్తాం అని రీసెంట్‌గానే చెప్పారు.

* వెంకటేశ్‌ – కల్యాణ్‌ రామ్‌తో అనిల్‌ రావిపూడి తీస్తున్న సినిమా ‘జనవరి 12 విడుదల’. ఈ సినిమాను జనవరి 12నే విడుదల చేస్తారు. ఆ మేరకు అనిల్‌ లాక్‌ చేశారు.

* మరోవైపు దిల్‌ రాజు కూడా పొంగల్‌ ఫైట్‌కి రెడీ అయిపోయారు. రవితేజ – శ్రీవిష్ణుతో హసిత్ గోలి ఓ సినిమా చేస్తున్నారు. త్వరలో ప్రారంభం కానుందీ సినిమా.

ఇండస్ట్రీలో బ్యాడ్‌ యాంగిల్‌ను చూపించిన ‘ఇరుముడి’.. టాలీవుడ్‌ని అందుకే అనేది…