గుండెల్ని పిండేసే ప్రేమకథలు అంటే మీకు ఇష్టమా? ఏ భాషలో సినిమా వచ్చినా తెలుగు డబ్బింగ్‌ వెర్షన్‌ చూస్తుంటారా? అయితే మీరు ‘సప్తసాగరాలు దాటి సైడ్‌ ఎ’ చూసే ఉంటారు. కన్నడ నటులు రక్షిత్ శెట్టి, రుక్మిణీ వసంత్ ప్రధాన పాత్రల్లో వచ్చిన ఈ ప్రేమ కథా చిత్రం గతేడాది అదిరిపోయే విజయాన్ని అందుకుంది. తెలుగు డబ్బింగ్‌ వెర్షన్‌ రావడం కాస్త ఆలస్యమైనా వచ్చాక అదరగొట్టింది. ఓటీటీలో కూడా అంతే విజయం అందుకుంది. మీరు ఒకవేళ ఆ సినిమా ఓటీటీలో చూసుంటే ఈ వార్త మీకే.
ఎప్పుడెప్పుడా అని ఓటీటీ సినీ అభిమానులు ఆసక్తిగా ఎదురుచూస్తున్న ‘సప్త సాగరాలు దాటి సైడ్‌ బి’ సినిమా ఓటీటీలోకి వచ్చేసింది. ఎలాంటి ముందస్తు ప్రచారం లేకుండా సైలెంట్‌గా అమెజాన్‌ ప్రైమ్‌ వీడియోలో స్ట్రీమ్‌ అవుతోంది. తెలుగు, తమిళ, మలయాళ, కన్నడ భాషల్లో ఆడియో అందుబాటులో ఉంది. దీంతో మీకు ఇలాంటి ప్రేమకథ ఇష్టం కాబట్టి ఓ లుక్కేసేయవచ్చు. గతేడాది నవంబరు 17న థియేటర్లలో విడుదలైన ఈ సినిమా ప్రేక్షకులను ఆకట్టుకుంది.
నిజానికి ఈ సినిమా (Sapta Sagaralu Dhaati Side B) డిసెంబరులోనే ఓటీటీలో రిలీజ్‌ కావాల్సి ఉంది. అయితే వివిధ కారణాల వల్ల వాయిదా పడింది. ఇప్పుడు హఠాత్తుగా వచ్చేసింది. ఈ సినిమా కథేంటంటే… మను (రక్షిత్ శెట్టి), ప్రియ (రుక్మిణీ వసంత్) అనే జంట తమ ప్రేమ‌ని నిలబెట్టుకోవడానికి శాయ‌శ‌క్తులా ప్ర‌య‌త్నించి, చివరకు విధి ముందు ఓడిపోతారు. ఈ క్రమంలో ప్రియకు వేరొకరితో పెళ్ల‌వుతుంది. మను జైలులోనే జీవితం గ‌డ‌పాల్సి వ‌స్తుంది. ఇదంతా ‘సప్త సాగరాలు దాటి – సైడ్‌ ఎ’ కథ.
మను ప‌దేళ్ల శిక్ష పూర్తయిన తర్వాత 2021లో జైలు నుండి తిరిగి వస్తాడు. ఇక్కడితో రెండో పార్టు ప్రారంభించారు. అలా బ‌య‌టికి రాగానే ప్రియను కలవాలనుకుంటాడు. దీని కోసం సుర‌భి (చైత్ర జె.ఆచార్‌) సాయం తీసుకుంటాడు. మ‌రి మను ప్రియ‌ని మను క‌లిశాడా లేదా అనేది కథ. ఈ ప‌దేళ్లలో ప్రియ జీవితంలో ఏం మార్పులు వచ్చాయి. ఇంత‌కీ సుర‌భి ఎవ‌రు అనేది ప్రాథమిక కథ.
‘గుంటూరు కారం’ లో ఆకట్టుకునే డైలాగులు ఇవే.!
‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!
Home
