Saranga Dariya song: సాయిపల్లవి ‘లవ్‌స్టోరీ’ పాటకు మరో గౌరవం!

సాయిపల్లవి స్టెప్టులేస్తే చూడటానికి రెండు కళ్లూ చాలవు అంటారు. అలాంటి పాటకు సుద్దాల అశోక్‌ తేజ సాహిత్యం, శేఖర్‌ కమ్ముల టేకింగ్‌, శేఖర్‌ మాస్టర్‌ కొరియోగ్రఫీ యాడ్‌ అయితే ఎలా ఉంటుందో గత కొద్ది రోజులుగా చూస్తూనే ఉన్నాం. అదే ‘సారంగ దరియా…’. శేఖర్‌ కమ్ముల తాజా చిత్రం ‘లవ్‌స్టోరీ’లోని పాట ఇది. ఈ ఏడాది ఫిబ్రవరి 28న విడుదలైన ఈ పాట లిరికల్‌ వీడియో మరో ఘనత సాధించింది.

‘సారంగ దరియా..’ యూట్యూబ్‌లో విడుదలైన నెల రోజుల్లోనే సుమారు 10 కోట్ల వీక్షణలు దక్కించుకొని రికార్డు సృష్టించింది. ఆ తర్వాత అతి తక్కువ కాలంలోనే 25 కోట్లకు పైగా వ్యూస్‌ సంపాదించింది. అదో రికార్డు. ఇది జరిగి కొద్ది రోజులైంది. తాజాగా 30 కోట్ల మార్కును దాటి మరో ఘనత సాధించింది ‘సారంగ దరియా…’. దక్షిణాదిలో మరే లిరికల్‌ వీడియో ఈ రీతిలో వీక్షణలను ఇప్పటివరకు సంపాదించలేదు.

అప్పటికే తెలంగాణ గ్రామీణంలో సుపరిచితమైన ‘సారంగ దరియా…’ పాటకు రచయిత సుద్దాల అశోక్‌ తేజ కొత్త సొబగులద్దారు. ఈ తెలంగాణ జానపదాన్ని మంగ్లీ అద్భుతంగా ఆలపించింది. అందుకే ఈ పాటకు యూట్యూబ్‌లో ఇంత ఆదరణ దక్కుతోంది. తెలంగాణ నేపథ్యంలో సాగే ఓ విభిన్నమైన ప్రేమ కథలో నాగచైతన్య, సాయిపల్లవి నటిస్తున్నారు. కరోనా పరిస్థితుల కారణంగా వాయిదా పడిన ఈ సినిమా విడుదల తేదీ ప్రకటించాల్సి ఉంది. అయితే ఓటీటీకి ఇచ్చేస్తారనే వాదనలూ వినిపిస్తున్నాయి.

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!