‘ఒక సీనియర్ హీరో ఓ కుర్ర హీరోయిన్ ను పెళ్లాడనున్నాడు’ అని కొన్ని వెబ్ సైట్లలో పేర్లు పబ్లిష్ చేయకుండా కొన్ని కథనాలను చదువుతూనే ఉన్నాం. అయితే.. ఎవరా సీనియర్ హీరో & కుర్ర హీరోయిన్ అనే విషయాన్ని కొందరు గాసిప్పు రాయుళ్ళు ఛేదించేశారు. ఆ హీరో మరెవరో కాదు కమల్ హాసన్, రజనీకాంత్, చిరంజీవి, బాలకృష్ణ, నాగార్జున వంటి స్టార్ హీరోస్ అందరితోనూ కలిసి నటించడమే కాక కొన్ని వందల చిత్రాల్లో కీలకపాత్రలు పోషించిన శరత్ బాబట. ఇక ఆ కుర్ర హీరోయిన్ మరెవరో కాదండోయ్.. తెలుగు, తమిళం, కన్నడ, మలయాళ చిత్రసీమల్లో తన భారీ అందాలతో కుర్రకారును విశేషంగా అలరించిన నమితంట.
కనీసం ఒక్క సినిమాలో కూడా కలిసి నటించని ఈ ఇద్దరూ పెళ్ళాడుతున్నారని చెన్నై వర్గాలు మాత్రమే కాదు హైద్రాబాద్ ఫిలిమ్ నగర్ వర్గాలు కూడా చర్చించుకోవడం మొదలెట్టాయి. కనీసం కామన్ సెన్స్ తో ఆలోచించినా కూడా ఈ వార్తా నిజమయ్యే అవకాశం 0.1% కూడా లేదని అర్ధమవుతుంది. శరత్ బాబు వయసు 61 సంవత్సరాలు, నమిత వయసు ఇంచుమించు 36 ఏళ్ళుంటాయి. ఈ ఇద్దరికీ ఏ యాంగిల్ లో సెట్ అవుతుంది అనుకొన్నారు. కెరీర్ ఖతమైపోయినా.. నమితకు పర్సనల్ గా ఉన్న క్రేజ్ ను దృష్టిలో పెట్టుకొంటే.. శరత్ బాబును పెళ్లాడే అవసరం ఆమెకు లేదు. పోనీ.. వీరిద్దరూ గాఢంగా ప్రేమించేసుకొన్నారు కాబట్టి పెళ్లి చేసుకొంటున్నారు అనుకోడానికి.. ఇప్పటివరకూ వారు ఒక్కసారి కూడా కలిసి కనిపించలేదు సరి కదా.. కలిసి ఒక సినిమాలో నటించింది కూడా లేదు. మరి ముఖ్యపరిచయమైనా ఉందో లేదో తెలియని వీరిద్దరినీ ఈ విధంగా ఇంటర్నెట్ కి ఈడ్చడం ఎంతవరకూ సబబో సదరు గాసిప్పు రాయుళ్లకే తెలియాలి.
