ఆ సంఘటన వల్ల జీవిత రాజశేఖర్లు పెళ్ళి చేసుకున్నారు..!

పలు సినిమాల్లో హీరో హీరోయిన్లుగా నటించిన వాళ్ళు పెళ్ళి చేసుకుని.. టాలీవుడ్ బెస్ట్ పెయిర్స్ గా నిలిచిన వాళ్ళు చాలా మంది ఉన్నారు. ఆ లిస్ట్ లో జీవిత – రాజశేఖర్లు ఉన్నారు. వీళ్ళిద్దరూ కలిసి ఎన్నో హిట్ చిత్రాల్లో నటించారు. తరువాత కొన్నాళ్ళకు ప్రేమ వివాహం చేసుకున్నారు. అయితే వీరిద్దరూ ప్రేమ… పెళ్లి వరకూ ఎలా వెళ్ళింది అనే విషయం తెలుసుకోవాలని చాలా మంది ఎంతో ఆసక్తిగా ఉన్నారు. ఇన్నాళ్ళకు సీనియర్ జర్నలిస్ట్ బీకే ఈశ్వర్ ఆ విషయాన్ని చెప్పుకొచ్చారు.

అయన మాట్లాడుతూ… “ఓ తమిళ నిర్మాత తన సినిమాకోసం రాజశేఖర్ కు జోడీగా జీవితను తీసుకున్నారు. మొదటిసారి జీవితను చూసిన రాజశేఖర్ గారు .. ‘ఈమె వద్దు… ఆమెను తొలగించండి’ అంటూ దర్శక నిర్మాతలకు చెప్పారు. ఆయన ఇలా చెప్పడంతో… దర్శకనిర్మాతలు.. రాజశేఖర్ గారినే తొలగించారు. తరువాత ఈ ఇద్దరూ కలిసి ‘తలంబ్రాలు’ అనే సినిమాలో కలిసి నటించవలసి వచ్చింది. అప్పుడే ఇద్దరి మధ్య పరిచయం పెరిగి, అది కాస్తా ప్రేమగా మారింది. ‘ఆహుతి’ సినిమాలోను కలిసి నటించారు. ఆ సినిమా షూటింగులో రాజశేఖర్ గాయపడినప్పుడు, జీవిత ఆయన దగ్గరే ఉంటూ కంటికి రెప్పలా చూసుకున్నారు. రాజశేఖర్ పై జీవితకి ఎంత ప్రేమ ఉందనేది.. రాజశేఖర్ కుటుంబసభ్యులు వీరిద్దరి పెళ్ళికి అంగీకరించారు” అంటూ చెప్పుకొచ్చారు.

అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!