జనతా గ్యారేజ్ తర్వాత యంగ్ టైగర్ ఎన్టీఆర్ చేస్తున్న మూవీ పట్టాలెక్కడానికి పరుగులు పెడుతోంది. బాబీ దర్శకత్వంలో తెరకెక్కనున్న ఈ సినిమా ఫిబ్రవరి 10 న పూజా కార్యక్రమాలు జరుపుకొని, ఫిబ్రవరి 15 నుంచి రెగ్యులర్ షూటింగ్ కి వెళ్లనుంది. “జై లవ కుశ” అనే టైటిల్ ని పరిశీలిస్తున్న ఈ చిత్రంలో ఎన్టీఆర్ మూడు పాత్రల్లో కనిపించనున్నారు. తొలిసారి ఎన్టీఆర్ త్రి పాత్రాభినయం చేస్తున్న ఈ ఫిల్మ్ కి బాలీవుడ్ ప్రముఖ కెమెరా మెన్ సీ కే మురళీధరన్ సినిమాటోగ్రాఫర్ గా రంగంలోకి దిగారు. ప్రకటన వెలువడనప్పటినుంచి ఆసక్తిని రేకెత్తిస్తోన్న ఈ సినిమాలో నివేతా థామస్, రాశీఖన్నా హీరోయిన్స్ గా ఫిక్స్ అయ్యారు.
ఈ చిత్రానికి N – T – R అనే అక్షరాలకు లింక్ కుదిరిందని సినీ పండితులు విశ్లేషిస్తున్నారు. N – అంటే నివేత థామస్, T – అంటే తారక్, R అంటే రాశీ ఖన్నా అని వర్ణిస్తున్నారు. అంతే కాదు ఇది ఎన్టీఆర్ ఆర్ట్స్ బ్యానర్లో రూపుదిద్దుకోవడం, ఆర్టిస్టులు సెట్ కావడం చూస్తుంటే మహానటుడు నందమూరి తారకరామారావు ఆశీస్సులు ఉన్నాయని నమ్మకంతో చెబుతున్నారు. సో ఈ చిత్రం తెలుగు సినీ చరిత్రలో గొప్ప చిత్రంగా నిలువనుందని ఫ్యాన్స్ సంబరపడిపోతున్నారు.
Also, do SUBSCRIBE to our YouTube channel to get latest Tollywood updates.
